საქართველოს ეროვნული ბანკის პრეზიდენტის გიორგი ქადაგიძის განცხადებით, ეროვნული ბანკიდან საბანკო ზედამხედველობის ფუნქციის გამოყოფასთან დაკავშირებით კანონპროექტზე პრეზიდენტის ვეტო არის კიდევ ერთი შესაძლებლობა, პარლამენტის წევრებმა თავიანთ გადაწყვეტილებას გადახედონ.

ამის შესახებ ქადაგიძემ ფინანსური სექტორისთვის სამართლებრივი რეგულირებისთვის სახელმძღვანელოს პრეზენტაციის დასრულების შემდეგ ჟურნალისტებს განუცხადა.

როგორც ქადაგიძემ აღნიშნა, „საქართველოს ეროვნული ბანკის“ შესახებ კანონპროექტი ძალიან დიდი საფრთხის შემცველია. 

 „გავეცანით საბოლოო რედაქციას, რომელიც პარლამენტმა სამი მოსმენით მიიღო. ეს კანონპროექტი არის ძალიან დიდი საფრთხის შემცველი, პირველ რიგში სამართლებრივი ტექნიკის თვალსაზრისითაც. ვერ უძლებს ვერანაირ კრიტიკას, ვინაიდან არის უამრავი მუხლი, რომელიც შეიძლება წაიკითხო სხვადასხვაგვარად, რაც სერიოზულ პრობლემას შექმნის სამომავლოდ. ის კონსტიტუციასთან არის შეუსაბამობაში, ასევე შეუსაბამობაშია ასოცირების დღის წესრიგთან. მან კრიტიკის ქარცეცხლი გაიარა ჩვენი პარტნიორი და საერთაშორისო ორგანიზაციების მხრიდან. ნათელია, რომ ამ კანონის მიღების, მისი ინიციატორები ამას არ უარყოფენ, ერთადერთი მიზანია ეროვნული ბანკის დასუსტება, გახლეჩა და საქართველოს პრეზიდენტის როლის შემცირება, როგორც კონსტიტუციის და ძალთა ბალანსის გარანტის“, – აღნიშნა ქადაგიძემ.

ამასთან, მისივე თქმით, ეროვნულ ბანკს აქტიური კონსულტაციები ქონდა პრეზიდენტის ადმინისტრაციასთან, მოტივირებულ შენიშვნებთან დაკავშრებით.

„ეს კანონი დიდი საფრთხოს შემცველია, ამ კანონის ამ ფორმით მიღება არ შეიძლება, ამას არც ერთი თავმოყვარე ეკონომისტი დადებითად არ აფასებს“, – განაცხადა გიორგი ქადაგიძემ.

ამასთან, ქადაგიძის განცხადებით, საბანკო ზედამხედველობის სააგენტოს გამოყოფა, მნიშვნელოვნად დააზიანებს საბანკო სექტორს, ინვესტორების სამომავლო განწყობას და საბოლოო ჯამში თითოეული საქართველოს მოქალაქე უარყოფით შედეგებს იგრძნობს „ჯიბეზე“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია