შრომის, ჯანმრთელობისა და სოციალური დაცვის მინისტრი დავით სერგეენკო სუბსიდირების საკითხთან დაკავშირებით განმარტებებს აკეთებს.

როგორც სერგეენკომ ჟურნალისტებს განუცხადა, სუბსიდირება რეალური დანახარჯების მიხედვით მოხდება.

კერძოდ, მინისტრის განმარტებით, ყოველი თვის ბოლოს „ენერგო-პრო-ჯორჯიასთან“  და თელასთან მონაცემთა ბაზის  გაცვლა მოხდება. ამასთან, სერგეენკოს თქმითვე, ყოველთვიურად დაზუსტდება, თუ რამდენი ოჯახი მიიღებს სუბსიდირებას.

„სოციალურად დაუცველი ადამიანების  რაოდენობა სამწუხაროდ 460 ათასის  ფარგლებშია. რაც შეეხება სუბსიდირებას, მიღებული  იქნა გადაწყვეტილება, რომ ყველა ის ოჯახი, რომლის შეფასება არის 70 ათასი, ან ნაკლები ქულა, სახელმწიფოსგან გაძვირების გამო, ზედმეტი დანახარჯის  სუბსიდირებას  მიიღებს.   ეს განხორციელდება შემდეგნაირად:  ჩვენ დავამყარეთ მონაცემთა ბაზის გაცვლა თელასთან. თელასი  ყოველი თვის ბოლოს მოგვაწოდებს იმ ადამიანების  რეალურ დენის დანახარჯებს.  მათ შორის უკვე დაანგარიშებულს, რაც იყო ზედმეტი ამ გაძვირების გამო. ჯანდაცვის სამინისტრო დააბალანსებს, მთლიანად გადაიხდის ამ  თანხას. შესაბამისად, რამდენი აღმოჩნდება ასეთი ოჯახი, ეს ჩვენ დაზუსტებულად გვეცოდინება ყოველი თვის ბოლოს. როდესაც მოხდება ბაზების დადარება  სოციალური  მომსახურების სააგენტოს, თელასს და რაიონებში,  ენერგო-პროს შემთხვევაში. მექანიზმი იქნება ასეთი-არაგასაშუალებული სუბსიდირება, არამედ რეალური დანახარჯების მიხედვით სუბსიდირება. სავარაუდოდ, ეს არის მთლიანად  200 ათასის ფარგებლში, თუმცა ყოველ თვე ეს იქნება დაზუსტებული რაოდენობა და ყოველ თვე ერთი ოჯახის სიზუსტით იქნება სუბსიდირება განხორციელებული“,-განაცხადა დავით სერგეენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია