"ქართულმა მხარემ ყველა მოთხოვნა შეასრულა და  ევროპის ახალგაზრდული ოლიმპიური ფესტივალი დიდ ოლიმპიადას მაქსიმალურად მიუახლოვა",-ამის შესახებ ევროპის ოლიმპიური კომიტეტის საკოორდინაციო კომისიის თავმჯდომარე ჯოზეფ ლიბამ განაცხადა.

ლიბა  განხორციელებული სამუშაოებით კმაყოფილია და  ქართულ ხმარეს მადლობას უხდის.

"დიდი სამუშაო შესრულდა დროის მცირე მონაკვეთში. უკან არის ყველანაირი შიში ობიექტების მოწყობისა. დღეს შემიძლია ვთქვა, რომ ქართულმა მხარემ ყველა მოთხოვნა შეასრულა და ეს ევროპის ახალგაზრდული ოლიმპიური ფესტივალი სხვა სიმაღლეზე გადაიყვანა და მაქსიმალურად მიუახლოვა დიდ ოლიმპიადას," - განაცხადა ჯოზეფ ლიბამ "კურიერთან" საუბრისას.

ახალგაზრდული ოლიმპიური ფესტივალი „Tbilisi 2015”-ი დღეს ოფიციალურად გაიხსნება. ფესტივალი „Tbilisi 2015”-ი 20:00 საათზე გაიხსნება.

 გახსნის ცერემონია ლოკომოტივის სტადიონზე გაიმართება.

ახალგაზრდული ოლიმპიური ფესტივალის პროგრამაში სპორტის ცხრა სახეობაა – ძიუდო, ჩოგბურთი, სპორტული ტანვარჯიში, ველოსპორტი, მძლეოსნობა, ცურვა, ფრენბურთი, ხელბურთი, კალათბურთი.
თბილისში კონტინენტის 50 ქვეყნის 3800-მდე სპორტსმენი მოიყრის თავს.

 საზოგადოების მაღალი ინტერესიდან გამომდინარე, ვაკის პარკში  დამონტაჟდება მონიტორი, რომლის საშუალებითაც მსურველები პირდაპირ ეთერში შეძლებენ,  გახსნის ცერემონიას თვალი ადევნონ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვალტონენი – ფინეთი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას

საფრანგეთის, გერმანიის, იტალიისა და დიდი ბრიტანეთის საგარეო საქმეთა სამინისტროები რუსეთ-საქართველოს ომთან დაკავშირებით ერთობლივ განცხადებას ავრცელებენ

მარგუს ცაჰკნა - ესტონეთი ქართველი ხალხის გვერდით დგას

გახარია საქართველოსთვის - ცინიკურია, რომ ოცნება ოკუპაციასა და ოკუპაციის მსხვერპლ მოქალაქეებზე მეტად ე.წ. რუსოფობიის გამო სწუხან