2019-12-12 10:01:47, 1406 ნახვა
საზოგადოება
პარლამენტთან პოლიციასა და აქციის მონაწილეებს შორის დაპირისპირება მოხდა - დაკავებულია რამდენიმე პირი
ჩიტაძის ქუჩაზე, პარლამენტის ერთ-ერთ შესასვლელთა პოლიციასა და აქციის მონაწილეებს შორის დაპირისპირება მოხდა.
დაპირისპირება ოპოზიციის ლიდერების და მხარდამჭერების მიერ, ქუჩის გადაკეტვას მოყვა.
სამართალდამცველებმა აქციის მონაწილეებს მოუწოდეს, ტროტუარზე გადასულიყვნენ და პროტესტი ამ ფორმით გამოეხატათ, რაზეც ოპოზიციის ლიდერებმა უარი განაცხადეს.
ამის მიუხედავად, აქციის მონაწილეები პოლიციამ ტროტუარზე მაინც გადაიყვანა. დაპირისპირების დროს აქციის რამდენიმე მონაწილე დააკავეს, ნაწილი კი, ტერიტორიას გაარიდეს.
ცნობისთვის, დღეს პარლამენტში უზენაესი სასამართლოს მოსამართლეობის კანდიდატთა კენჭისყრაა დაგეგმილი. გარდა ამისა, საკანონმდებლო ორგანო ნიკა მელიასთვის სადეპუტატო მანდატის შეწყვეტაზე იმსჯელებს.
ავტორი: ექსპრესნიუსი,
epn.ge (@expressnews.ge)
