დღეს, იურიდიულ საკითხთა კომიტეტის სხდომაზე უზენაესი სასამართლოს მოსამართლეობის კანდიდატებს კენჭს უყრიან. 20 კანდიდატიდან თითოეულს დეპუტატები ხმას ღია კენჭისყრაზე მისცემენ.

როგორც ცნობილია, კანდიდატებს კენჭს ჯერ იურიდიულ საკითხთა კომიტეტზე, შემდეგ კი პლენარულ სხდომაზე უყრიან.

იუსტიციის უმაღლესმა საბჭომ საკანონმდებლო ორგანოს უზენაესი სასამართლოს მოსამართლეობის შემდეგი კანდიდატები წარუდგინა: თამარ ალანია, მერაბ გაბინაშვილი, შოთა გეწაძე, მირანდა ერემაძე, მამუკა ვასაძე, მაია ვაჩაძე, თამარ ზამბახიძე, შალვა თადუმაძე, ზაზა თავაძე, ვლადიმერ კაკაბაძე, ლევან მიქაბერიძე, გიორგი მიქაუტაძე, პაატა სილაგაძე, ნუგზaრ სხირტლაძე, ლალი ფაფიაშვილი, ნინო ქადაგიძე, ლაშა ქოჩიაშვილი, ქეთევან ცინცაძე, ალექსანდრე წულაძე და გოჩა ჯეირანაშვილი.

რაც შეეხება ზაზა თავაძეს, მან კონკურსიდან საკუთარი კანდიდატურა დეკემბრის დასაწყისში მოხსნა, თუმცა კანონმდებლობით მას კენჭს მაინც უყრიან.

კენჭისყრის პარალელურად, პარლამენტთან ოპოზიციის წარმომადგენლები და სამოქალაქო აქტივისტები აქციას მართავენ. ადგილზე მობილიზებულია სამართალდამცველთა დიდი რაოდენობა.

ავტორი: ექსპრესნიუსი,

სოციალური ქსელები

ზაფხულის ცხელ დღეებთან დაკავშირებით სპეციალისტები მოსახლეობას აფრთხილებენ

Facebook-მა ქართული საგამოძიებო მედია პლატფორმის, Studio Monitor-ის გვერდი წაშალა

თევზეული 18.2%-ით, ხორცი 9.2%-ით, პური 8.1%-ით გაძვირდა - წლიური ინფლაცია 5.5%-ია

The Telegraph: „მსურველთა კოალიცია“ შესაძლოა ლიდერის გარეშე დარჩეს