საქართველოში ვიზიტით მსოფლიოში ერთ-ერთი უმსხვილესი ავიამშენებელი კომპანიის „Airbus Defence & Space“ დელეგაცია იმყოფება. დღეს, ფრანგული კომპანიის წარმომადგენლები საქართველოს თავდაცვის მინისტრმა თინათინ ხიდაშელმა მიიღო.

ამის შესახებ „ექსპრესნიუსს“ თავდაცვის სამინისტროდან აცნობეს.

მათივე ცნობით,  თავდაცვის სამინისტროში გამართულ გაცნობით შეხვედრას გენერალური შტაბის უფროსი, გენერალ-მაიორი ვახტანგ კაპანაძე, თავდაცვის მინისტრის პირველი მოადგილე დავით ებრალიძე და ავიაციისა და საჰაერო თავდაცვის სარდალი, პოლკოვნიკი დავით აბრამიშვილი დაესწრნენ.

უცხოელმა სტუმრებმა თავდაცვის უწყების ხელმძღვანელ პირებს კომპანიის საქმიანობის შესახებ პრეზენტაცია წარუდგინეს და შესაძლებლობები გააცნეს. „Airbus Defence & Space“ ძირითადად უპილოტო საფრენ აპარატებს, შვეულმფრენებსა და სატელიტური კავშირის ქსელებს აწარმოებს. როგორც შეხვედრის დასრულების შემდეგ, გენერალ-მაიორმა ვახტანგ კაპანაძემ აღნიშნა, ვიზიტის ფარგლებში, კომპანიის წარმომადგენლები საქართველოს სხვადასხვა უწყებაშიც იმყოფებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ