„ჩემთვის რთული იქნება იმის განცდა, რომ ჩვენი კოლეგები,  ვინც კანონპროექტს კენჭისყრისას მხარს არ დაუჭერს, რააღაც ფორმით უნდა ჩანაცვლდნენ ოპოზიციის მიერ“, - ამის შესახებ საპარლამენტო უმრავლესობის ლიდერმა გია ვოლსკიმ უმრავლესობის სხდომის დასრულების შემდეგ განაცხადა.

როგორც მან აღნიშნა, პროპორციულ სისტემაზე გადასვლის მოწინააღმდეგე უმრავლესობის წევრების რაოდენობა არ არის იმდენი, რომ კანონპროექტის მიღებას პრობლემა შეექმნას.

„სარეიტინგო არ ჩავატარეთ, არ დავუჭირეთ ამას მხარი, ვინაიდან ჯერ განხილვები არის წინ, როგორც ვითარება უჩვენებს საწინააღმდეგო პოზიცია არ გააჩნია იმ რაოდენობას რა რაოდენობითაც არის ოპოზიცია წარმოდგენილი. ჩემთვის, როგორც უმრავლესობის ლიდერისთვის, ძალიან რთული იქნება იმის განცდა, რომ ჩვენი კოლეგები, ვინც მხარს არ დაუჭერენ კენჭისყრის დროს, რაღაცა ფორმით უნდა ჩანაცვლდნენ ოპოზიციის მიერ.  მე შევეცდები, რომ ეს არ დავუშვათ. გუნდს უსმენს ბიძინა ივანიშვილი და გუნდი თავისი დიდი ნაწილით არის იმ პოზიციის მომხრე, რაც 92-მა ხელმომწერამ დაადასტურა“, - განაცხადა ვოლსკმა.

შეგახსენებთ, პარლამენტში პროპორციულ საარჩევნო სისტემაზე გადასვლასთან დაკავშირებით, საკონსტიტუციო ცვლილებების საპარლამენტო განხილვამ გუშინ ხმაურის ფონზე ჩაიარა, მაჟორიტარი დეპუტატების ნაწილი ცვლილებას ეწინააღმდეგება და მას ქვეყნისთვის საფრთხის შემცველად მიიჩნევენ, რამდენიმე მათგანი კი უმრავლესობიდან გასვლით იმუქრება.

ავტორი: ექსპრესნიუსი,

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ