საჯარო რეესტრის ეროვნულ სააგენტოს უზბეკეთის დელეგაცია ესტუმრა და უწყების მიერ განხორციელებულ  წარმატებულ რეფორმებს გაეცნო. საჯარო რეესტრის საერთაშორისო ორგანიზაციებთან ურთიერთობის სამსახურის უფროსმა მარი ხარძიანმა სტუმრებს მიწის რეგისტრაციის რეფორმის შესახებ პრეზენტაცია წარუდგინა, რომელსაც საჯარო რეესტრის ეროვნული სააგენტო  2016 წლის აგვისტოდან წარმატებით ახორციელებს.

გარდა ამისა, დელეგაციის წევრებმა დეტალური ინფორმაცია მიიღეს გამარტივებული პროცედურების, ელექტრონული სერვისების, ერთი ფანჯრის პრინციპით მომსახურებისა და საჯარო რეესტრის სხვა მნიშვნელოვანი პროექტების შესახებ.

აზიისა და წყნარი ოკეანეთისათვის გაეროს ეკონომიკური და სოციალური კომისიის (ESCAP) მიერ ორგანიზებული ვიზიტის ფარგლებში დელეგაციის წევრები სხვადასხვა საჯარო უწყების მდგრადი განვითარების მიზნების (SDG) თემის ფარგლებში განხორციელებულ წარმატებულ რეფორმებს ეცნობიან.

დელეგაციის შემადგენლობაში პარლამენტის, ეკონომიკისა და მრეწველობის, ფინანსთა, ჯანდაცვისა და განათლების სამინისტროების, ასევე სტატისტიკის კომიტეტის, სავაჭრო-სამრეწველო პალატის, პროკურატურის, სამოქალაქო საზოგადოებისა და  მედიის წარმომადგენლები შედიოდნენ.

(NS)

ავტორი: ექსპრესნიუსი,

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს