„ჩვენი ქვეყნის ყველაზე დიდი გამოწვევა ნიჰილიზმის დაძლევაა, იმ მდგომარეობის დაძლევა, სადაც ადამიანები ამბობენ, გვეშველება რამე? ეს სიტყვა უნდა ამოვიღოთ ლექსიკონიდან. ჩვენ გვეშველება, თუ ვიდგებით ერთად და ამ უსამართლობას დავძლევთ ერთიანად“ - ამის შესახებ „თიბისი ბანკისა“ და „ლელოს“ დამფუძნებელმა მამუკა ხაზარაძემ პარტიის „ღია ოფისის“ გახსნაზე ჟურნალისტებს განუცხადა.

მამუკა ხაზარაძის თქმით, „ლელო“ ჩავა ყველა სოფელში და შეხვდება მოსახლეობას. ამიერიდან „ღია ოფისები“ ქვეყნის რეგიონებსა და დიდ ქალაქებში გაიხსნება.

„ეს არის ადგილი, სადაც რიგითი მოქალაქეები გაწევრიანდებიან ჩვენს პარტიაში და თქვენთან ერთად დავგეგმავთ იმ გამოსავლის გზებს, რომელიც ქვეყანას სჭრიდება. ჩვენ ვართ იმისთვის, რომ საქართველოს დანაწევრება დამთავრდეს. რა თქმა უნდა, ჩვენ გვაქვს კონკრეტული პროგრამა, რომელსაც 12 დეკემბერს, პარტიის დაფუძნების დროს გაგაცნობთ. დღეიდან ჩვენ გავხსენით ეს კარი, რასაც ჰქვია ურთიერთობა, ერთად ყოფნა, გაზიარება, ახალი და გამარჯვებული საქართველოს შექმნა“, - განაცხადა ხაზარაძემ.

მოამზადა ლანა მრავლაძემ

ავტორი: ექსპრესნიუსი,

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ