დაავადებათა კონტროლის ცენტრი მოსახლეობას ვირუსებთან დაკავშირებით აფრთხილებს

2019-10-16 14:51:15, 1222 ნახვა

საზოგადოება

დაავადებათა კონტროლის ეროვნული ცენტრის სამეცნიერო საბჭოს თავმჯდომარის პაატა იმნაძის ინფორმაციით, ქვეყანაში რინოვირუსებია გააქტიურებული.

ამასთან, იმნაძის განცხადებით, სტატისტიკა ამავე პერიოდის შარშანდელ მონაცემებთან შედარებით არ გაზრდილა.

მისივე განმარტებით, რინოვირუსი გახშირებული სურდოთი, ტემპერატურითა და ყელის ტკივილით ხასიათდება. იგი დავირუსებულ მოქალაქეებს სახლში დარჩენას ურჩევს.

"ბოლო პერიოდში ცირკულირებს რინოვირუსები. უფრო გასაგები რომ იყოს, ვიტყვი, რომ სურდო თუ ბევრია ეს რინოვირუსია, თუ თვალების კონიუკტივიტია ეს უფრო ადენოვირუსია. ვირუსებს ავრცელებნ ის ადამიანები, რომლებიც დაავადების შემთხვევაში სახლში არ რჩებიან. ბავშვი არც სკოლაში და არც ბაღში, ხოლო ზრდასრული ადამიანი სამსახურში არ უნდა მიდიოდნენ", - განაცხადა პაატა იმნაძემ.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან