სახალხო დამცველი პრეზიდენტის შეწყალების აქტებს სწავლობს

2019-10-16 13:49:56, 990 ნახვა

საზოგადოება

სახალხო დამცველის აპარატმა პრეზიდენტის ადმინისტრაციიდან შეწყალების აქტები გამოითხოვა, - ამის შესახებ ომბუდსმენმა ნინო ლომჯარიამ განაცხადა.

მისი თქმით, საქმე ეხება იმ პირებს, რომლებიც სალომე ზურაბიშვილმა მისი არჩევის დღიდან შეიწყალა. როგორც ლომჯარიამ აღნიშნა, სახალხო დამცველის აპარატი, ჯერჯერობით, საკითხის მოკვლევის პროცესშია.

“ჩვენ გამოვითხოვეთ პრეზიდენტის ადმინისტრაციიდან ყველა ის შეწყალების აქტი, რაც პრეზიდენტმა განახორციელა მისი არჩევის დღიდან. თუ შეწყალებული იქნება არაგონივრულად მოკლე ვადაში, ძალიან მალე სასამართლოს მიერ მიღებული გადაწყვეტილებიდან, ეს უთანაბრდება სასჯელისგან გათავისუფლებას და რეალურად, სახელწმიფო შეიძლება იყოს ბრალდებული იმაში, რომ მან დაარღვია პირის სიცოცხლის უფლება," - განაცხადა ნინო ლომჯარიამ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,