კახიძე - თუ დანაშაულის ნიშნები გამოიკვეთა, პრეზიდენტის იმპიჩმენტის პროცედურა დაიწყება

2019-09-20 15:32:23, 1633 ნახვა

პოლიტიკა

თუ გამოძიებას აქვს ნება, მაშინ ჩატარდება საგამოძიებო მოქმედებები, დაიკითხებიან შესაბამისი პირები და გადამოწმდება კომუნიკაცია“, - ამის შესახებ „ევროპული საქართველოს“ წევრმა ოთარ კახიძემ ჟურნალისტებს განუცხადა, რითაც პრეზიდენტის მიერ მკვლელობაში მსჯავრდებულების შეწყალების ფაქტებზე გამოძიების დაწყებას გამოეხმაურა.

როგორც მან აღნიშნა, წინააღმდეგ შემთხვევაში „ევროპული საქართველო“ შეიტანს დადგენილების პროექტს პარლამენტში, რომ შეიქმნას საგამოძიებო კომისია.

„თუ გამოძიებას აქვს ნება, მაშინ ჩატარდება საგამოძიებო მოქმედებები, დაიკითხებიან შესაბამისი პირები და გადამოწმდება კომუნიკაცია. ამის გაკეთებას მხოლოდ ნება სჭირდება. თუ ამას არ გააკეთებენ, „ევროპული საქართველო“ პარლამენტში დადგენილების პროექტს შემოიტანს, რომ შეიქმნას საგამოძიებო კომისია და საქართველოს პარლამენტის წევრები გამოიძიებენ, თუ პროკურატურას არ ეყოფა ნება, რომ ამ საქმეზე რეალურად შედეგები დადოს“, - აღნიშნა ოთარ კახიძემ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან