კალაძე: დაველოდოთ მორატორიუმთან დაკავშირებით რა გადაწყვეტილება იქნება მიღებული

2019-09-18 15:03:48, 1919 ნახვა

პოლიტიკა

დაველოდოთ მორატორიუმთან დაკავშირებით რა გადაწყვეტილება იქნება მიღებული, - ამის შესახებ პარტია „ქართული ოცნება - დემოკრატიული საქართველოს“ გენერალურმა მდივანმა კახა კალაძემ ჟურნალისტებს განუცხადა.

კალაძის შეფასებით, მისთვის მიუღებელია პრეზიდენტის გადაწყვეტილება მკვლელობაში ბრალდებულების შეწყალებასთან დაკავშირებით.

„შეწყალებასთან დაკავშირებით მე გუშინ გავაკეთე კომენტარი. ახალს ვერაფერს ვერ დავამატებ. რა თქმა უნდა, მიუღებელია ჩემთვის გადაწყვეტილებები, რომელიც ბოლოს იქნა გაკეთებული და საზოგადოების შეშფოთებას აქვს საფუძველი.

როდესაც პირველად იქნა გადაწყვეტილება მიღებული შეწყალებებთან დაკავშირებით, ჩვენ პრეზიდენტის განცხადება მოვისმინეთ, რომ გადახედილიყო ის კანონი, რომელიც ანიჭებს პრეზიდენტს უფლებამოსილებას შეწყალებასთან დაკავშირებით. შესაბამისად დაველოდოთ, თუ რა გადაწყვეტილება იქნება მიღებული. ვფიქრობ, რომ გადაწყვეტილება მორატორიუმზე, სწორედ ამის გამო იქნა მიღებული“, - განაცხადა კალაძემ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან