„ეს მახინჯი, მიკერძოებული სახელმწიფო ერთ ხელში, დასრულდეს“, - ამის შესახებ „თიბისი ბანკის“ ერთ-ერთმა დამფუძნებელმა მამუკა ხაზარაძემ პრესკონფერენციაზე განაცხადა.

 ხაზარაძემ ხელისუფლებას კითხვით მიმართა და აღნიშნა, მათ ქმდედებებში პანიკის ნიშნები იკვეთება.

მე მინდა ხელისუფლებას დავუსვა შეკითხვა, რატომ შეეშინდათ?! ძალიან შეეშინდათ მათ, იმიტომ, რომ ის მეთოდები, რომელიც არის და უკვე ერთი წელია ჩვენს მიმართ არის გამოყენებული და იყენებენ უკვე ანტიტერორისტული სამსახურები, იმ სამსახურების გამოყენება,  რომლის ხელფასებსაც ბიზნესმენები ვიხდით, გამოყენებულია პოლიტიკური დევნისთვის, ეს არის შიშის, აბსოლუტურად დიდი პანიკის საფუძველი. მე მინდა პირდაპირ გითხრათ, რომ ჩვენ ნამდვილად არ გვეშინია, ჩვენ გავაგრძელებთ ამას ყველაფერს.

ახლა რაც შეეხება, რასთან გვაქვს საქმე, თქვენ იცით, რომ ბიზნესმენისთვის ანგარიშის დაყადაღება და ყველა ანგარიშის გაჩერება, ეს ნიშნავს, რომ ჩვენ ვერ  მოვემსახურებით ვალებს, იმ ადგილობრივ თუ საკრედიტო მომსახურებას ვერ განვახორიციელებთ, რომლითაც ჩვენ ვაფინანსებდით დღემდე და ვაფინანსებთ ანაკლიის პორტს. ეს ნიშნავს, რომ ჩვენ მათი გაგებით ვერ დავაფინანსებთ მოძრაობას, ვერ დავაფინანსებთ პარტიას, რომლის თარიღსაც ძალიან მალე შეგატყობინებთ. აქვე მინდა გითხრათ, რომ არ გამოგივათ არაფერი, იმიტომ რომ საქართველოში არსებობს ერთი ძალიან მნიშვნელოვანი რამ, რომელსაც მეგობრობა ჰქვია, რომელიც ამ  ხელისუფლებას არ ჰყავს და ჩვენ გვყავს ძალიან ბევრი მეგობარი საქართველოში და ძალიან ბევრი მეგობარი უცხოეთში, რომლებიც ბოლო ორი დღის განმავლობაში ყველანაირ მზადყოფნას გამოთქვამენ იმისათვის, რომ ჩვენ ის კურსი, რომელიც ავიღეთ და რაც შევპირდით ჩვენ ქართველ ხალხს, და ეს მახინჯი, მიკერძოებული სახელმწიფო უნდა დასრულდეს“, - აღნიშნა მამუკა ხაზარაძემ.  

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ქარელის და მასრნერულის საბავშვო ბაღებში ბავშვებს საქონლის ხორცის ნაცვლად ცხენის ხორცს აჭმევდნენ

ქართველმა და ესპანელმა სამართალდამცველებმა ქალაქ ვალენსიაში ქართული ორგანიზებული დანაშაულებრივი ჯგუფის წევრები დააკავეს

არქიმანდრიტი დოროთე - შიო მესამეს თავისი დარღვეული სწავლება სისრულეში მოჰყავს

ნარმანია: წინასწარი შეფასებით, II სისტემური ავარიის მიზეზი იმერეთის ხაზზე ავარია იყო