„პროცესი, რომელიც მიმდინარეობს მასშტაბურ დაპირისპირებაში არ უნდა გადაიზარდოს“,-ასე გამოეხმაურა განათლებისა და მეცნიერების მინისტრი თამარ სანიკიძე  აზერბაიჯანში „გაბალა“ -„დინამოს“ მატჩზე მომხდარ ინცინდენტს.

„ რა თქმა უნდა ეს გარკვეულწილად იმ თემატიკას უკავშირდება, რომელსაც გუნდების მხარდაჭერა ჰქვია. თამაშთან დაკავშირებით იყო გაღიზიანება.  ნამდვილად არ არის სასურველი და სასიამოვნო მსგავსი ინცინდენტი დიდ პროვოკაციაში გადაიზარდოს. პროცესი, რომელიც მიმდინარეობს უნდა შემოიფარგლოს იმ თემატიკით და არ უნდა გადაიზარდოს, ასე ვთქვათ სხვა უფრო დიდ მასშტაბიან დაპირისპირებაში“,-განაცხადა თამარ სანიკიძემ.

შეგახსენებთ, აზერბაიჯანის ქალაქ გაბალაში, ადგილბრივ „გაბალასა“ და თბილისის „დინამოს“ გუშინდელ მატჩზე ინციდენტი მოხდა.

გავრცელებულ ვიდეოკადრებში ჩანს, რომ საფეხბურთო მატჩზე აზერბაიჯანელ გულშემატკივართა ერთმა ჯგუფმა პლაკატები გამოფინა, სადაც აზერბაიჯანის შემადგენლობაში რუსთავი, ბოლნისი და მარნეული იყო მოქცეული.

ამასთან, გავრცელებული ინფორმაციით, აზერბაიჯანელ გულშემატკივართა ნაწილმა საქართველოს დროშა დაწვა და მასზე ფეხით დადგნენ.

გარდა ამისა, მატჩის დასრულების შემდეგ „დინამოს“ გულშემატკივართა ავტობუსს ქვები და სხვადასხვა ნივთი ესროლეს. „დინამოში“ აცხადებენ, რომ მომხდარის შესახებ „უეფას“ აცნობებენ.

მომხდარს გულშემატკივრები 2 ივლისს, საქართველოში, "დინამო" - “გაბალას" თამაშის დროს მომხდარ შემთხვევას უკავშირებენ, როდესაც ქართველმა გულშემატკივრებმა პლაკატი გამოფინეს  წარწერით - "ჩვენ გვახსოვს ზაქათალა, კახი, 1921".

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბათუმში ამზადებდნენ ცნობილი ბრენდების ფალსიფიცირებულ ვისკისა და სხვა ალკოჰოლურ სასმელებს

პოლიციამ კომპიუტერული მონაცემების ხელყოფის ბრალდებით ერთი პირი დააკავა, მეორის მიმართ კი დევნა დაიწყო

მიხეილ სააკაშვილი – არ მივატოვე ხალხი განსაცდელში, ფეხზე დავაყენე საქართველო, მთელი დემოკრატიული სამყარო და ქვეყანა გადავარჩინეთ

აშშ-ის საელჩო - აშშ კვლავაც ღრმად შეშფოთებულია რუსეთის მიერ საქართველოს ტერიტორიის განგრძობადი ოკუპაციით