ორფოლოს სამხედრო პოლიგონზე მესამე ქვეითი ბრიგადის არაგეგმიური სატანკო სწავლება გაიმართა.

თავდაცვის სამინისტროს ინფორმაციით, საჩვენებელ წვრთნას შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე და სახმელეთო ძალების დასავლეთ სარდლობის წარმომადგენლები დაესწრნენ. სამხედრო სწავლებაში მესამე ქვეითი ბრიგადის 31-ე ბატალიონის გაძლიერებულმა ოცეულმა მიიღო მონაწილეობა.

სწავლების „ჯავშანსატანკო ჩასაფრება“ სცენარი სასიკვდილო ზონაში პირობითი მოწინააღმდეგის განადგურებას და მისი გადაადგილების შესახებ მაღალი მნიშვნელობის ინფორმაციის მოპოვებას ითვალისწინებდა. სამხედრო მოსამსახურეებმა საჩვენებელი წვრთნის დროს ტაქტიკური და საცეცხლე ამოცანები შეასრულეს. სწავლების ფარგლებში დაშავებულის ევაკუაციაც განხორციელდა.

სამხედრო წვრთნების მიზანს საქართველოს შეიარაღებული ძალების მუდმივი საბრძოლო მზადყოფნის შენარჩუნება წარმოადგენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ