2019-08-15 15:32:48, 1028 ნახვა

---

ვოლსკი: თუ სიახლეებს კონკრეტული ადამიანი ვერ მოერგება, ის შეიცვლება, თუმცა ჯერ ცვლილებებზე საუბარი არ არის

მე ვფიქრობ, რომ სერიოზული და მნიშვნელოვანი საკითხები  ბიძინა ივანიშვილის მონაწილეობის გარეშე არ წყდება - ასე უპასუხა საპარლამენტო უმრავლესობის ლიდერმა გია ვოლსკიმ ჟურნალისტის შეკითხვას იმის თაობაზე, სურს თუ არა მას პრემიერის პოსტზე პარტია „ქართული ოცნების“ თავმჯდომარე ბიძინა ივანიშვილი დაბრუნდეს.

სამთავრობო ცვლილებებზე საუბრისას ვოლსკი აღნიშნავს, რომ ზოგადად, სიახლეები საჭიროა, თუმცა გუნდში  ცვლილებებზე კონკრეტული საუბარი, ჯერჯერობით, არ ყოფილა

„სიახლეები საჭიროა საქმიანობაში. ამასთან დაკავშირებით ლაპარაკობს პრემიერი, ბიძინა ივანიშვილი და, საერთოდ, ადამიანი არაა დარჩენილი ჩვენს გუნდში თუ სხვა გუნდში, რომ ამ სიახლეების თაობაზე არ ლაპარაკობდეს და კონკრეტულ მიმართულებებსაც ასახელებს - განათლების სფერო იქნება ეს თუ ეკონომიკის სფერო. ეს სიახლეებია საჭირო. მამუკამაც არაერთხელ თქვა, რომ თუ ამ სიახლეებს და ამ ტემპს ვერ მოერგება კონკრეტული ადამიანი, რასაკვირველია, ის ადამიანი შეიცვლება. ჯერჯერობით, ამ საკითხზე, ცვლილებებზე კონკრეტული საუბარი არ ყოფილა და ამის წინაპირობა და საფუძველი, ჯერჯერობით, არ არსებობს.

მე ვფიქრობ, რომ საკითხი, რომელიც სერიოზულ, მნიშვნელოვან პროცესებს ეხება, სტრატეგიულ მიმართულებებს, ეხება არ წყდება და არ განიხილება ბიძინა ივანიშვილის მონაწილეობის გარეშე. ეს არის ზომიერი, საფუძვლიანი განხილვები, მათ შორის თემატურ ჯგუფებში, რომელიც არსებობს პოლიტიკურ ლიდერთა სივრცეში“, - განაცხადა გია ვოლსკიმ.

 

 

 

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი