„სუბიექტურ შეფასებას აქვს ადგილი“ - იზორია „იმედზე“ გასულ ფილმს გამოეხმაურა

2019-08-14 16:00:00, 1304 ნახვა

პოლიტიკა

„სუბიექტურ შეფასებას აქვს ადგილი“, - ამ სიტყვებით თავდაცვის მინისტრი ლევან იზორია ტელეკომპანია "იმედის" ეთერში აგვისტოს ომთან დაკავშირებულ ფილმს გამოეხმაურა.

მისი შეფასებით, ფილმი რუსული ნარატივის გაგრძელებაა.

„ავტორების შეფასება, ფილმების შეფასება შეიძლება იყოს ინდივიდუალური. ვხედავ, რომ აქაც ძალიან სუბიექტურ შეფასებას აქვს ადგილი. კერძოდ, იმის თქმა, რომ ეს იყო რუსული ნარატივის გაგრძელება, მეც ვნახე ფილმი და ყოვლად მიუღებელია. რატომ? იმიტომ, რომ იქ ცალსახად დაფიქსირდა ფაქტი რუსული შეიარაღებული ძალების ჩვენს ტერიტორიაზე შემოჭრისა და ამაზე კითხვის ნიშნები არ არსებობს. მაგრამ ამასთან ერთად გაცხადდა ის რაც არაერთგზის გვითქვამს, რომ ამ კონფლიქტის და ამ პირდაპირი ოკუპაციის, რომელზეც გვითქვამს, რომ წლების განმავლობაში მზადდებოდა რუსული აგრესიული პოლიტიკის შედეგად თავიდან აცილება გონიერი პოლიტიკით იყო შესაძლებელი, რაც არ მოხდა", - აღნიშნა იზორიამ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან