2019-08-08 14:25:43, 1599 ნახვა

---

აფხაზეთის ე.წ. საგარეო - მადლობას ვუხდით რუსეთს, ვისი წყალობითაც აფხაზეთი და „სამხრეთ ოსეთი“ დღეს უსაფრთხოდაა

„2008 წლის  8 აგვისტოს კიდევ ერთხელ აჩვენა ქართული პოლიტიკის ნამდვილი სახე, რომელიც მშვიდობიანი მოსახლეობის განადგურებას ისახავს მიზნად“, - ამის შესახებ განცხადება აფხაზეთის ოკუპირებული რეგიონის ე.წ. „საგარეო საქმეთა სამინისტრომ“ გაავრცელა.

ოკუპირებული აფხაზეთის  დე-ფაქტო სამინისტრო  ე.წ. „სამხრეთ ოსეთისა“ და „აფხაზეთის რესპუბლიკის“ უსაფრთხოებისთვის რუსეთის ფედერაციას მადლობას უხდის.

„2008 წლის  8 აგვისტოს კიდევ ერთხელ აჩვენა ქართული პოლიტიკის ნამდვილი სახე, რომელიც მშვიდობიანი მოსახლეობის განადგურებას ისახავს მიზნად.

აფხაზი ხალხი, რომელმაც 1992-1993 წლებში ომის ყველა სიმძიმე, ნათესავებისა და ახლობელბის დაკარგვის ჩათვლით, გამოსცადა, ღრმა მწუხარებას გამოხატავს სამხრეთ ოსეთის მოძმე ხალხთან ერთად აგრესიის ამ არაადამიანური აქტის მსხვერპლთა გამო.

მადლობას ვუხდით რუსეთის ფედერაციას, რომლის ძალისხმევის  შედეგად დღეს სამხრეთ ოსეთის რესპუბლიკა და აფხაზეთის რესპუბლიკა ცხოვრობენ უსაფრთხო გარემოში და დინამიურად ავითარებენ საკუთარ სახელმწიფოებს“, - ნათქვამია ოკუპირებული აფხაზეთის  დე-ფაქტო სამინისტროს განცხადებაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი