2019-07-14 17:54:44, 25402 ნახვა
სპორტი
ტატო გრიგალაშვილი ბუდაპეშტის გრან პრის გამარჯვებულია
ტატო გრიგალაშვილი ბუდაპეშტის გრან პრის გამარჯვებულია. ეს საქართველოს ძიუდოს ფედერაციის პროექტის „გამოწვევა 2020“-ის წარმომადგენლის კიდევ ერთი წარმატებაა. ეს პროექტი საქართველოს ძიუდოს ფედერაციამ 2017 წელს დაიწყო. პროექტს რამდენიმე მიზანი ჰქონდა: ეროვნულ ნაკრებში კონკურენციის ამაღლება, ძიუდოისტებთან ახალ საკონტრაქტო პირობებზე გადასვლა, გრძელვადიან პერსპექტივაში ძიუდოს შინაარსობრივ სწავლებაზე დამყარებული შედეგის მიღწევა. პროექტის მთავარი მწვრთნელია ლაშა გუჯეჯიანი, თანაშემწე გიგა ბოჭოიძე, ხოლო პროექტის ხელმძღვანელი დავით ქევხიშვილი. პროექტში ჩართული ძიუდოისტები უკვე აღწევენ წარმატებას საერთაშორისო სარბიელზე უფროსებს შორის, მიუხედავად იმისა, რომ მათი უმრავლესობა ჯერ კიდევ ახალგაზრდული ნაკრების წევრია, ხოლო ნაწილი 23 წლამდელთა ნაკრების.
ავტორი: ექსპრესნიუსი,
epn.ge (@expressnews.ge)
