ბერძენიშვილი: 9 აპრილს დაიბადა საქართველო, 20 ივნისს გაირკვა, რისთვის დაიბადა ეს ქვეყანა

2019-07-06 10:51:32, 1094 ნახვა

საზოგადოება

9 აპრილს დაიბადა საქართველო, 20 ივნისს გაირკვა, რისთვის დაიბადა ეს ქვეყანა, - ამ სიტყვებით პროფესორმა ლევან ბერძენიშვილმა რუსთაველის გამზირზე შეკრებილ აქციის მონაწილეებს ვიდეო-მიმართვით მიმართა.

როგორც მან აღნიშნა, , საქართველოს არ ეკადრება ხელისუფლება, რომელიც ადამიანებს არბევს და თვალებს თხრის

„თანამედროვე საქართვლოს ისტორიაში ორი უმნიშვნელოვანესი დღეა. ერთი არის 9 აპრილი, როდესაც ეს ქვეყანა დაიბადა, როგორც დამოუკიდებელი ქვეყანა, როდესაც მისი დამოუკიდებლობა გამოცხადდა, როდესაც მსოფლიო რუკაზე დამოუკიდებელი ფერი შეიძინა. ახლა არის მეორე უმნიშვნელოვანესი დღე საქართველოს ისტორიაში, 20 ივნისი, როდესაც გაირკვა რისთვის დაიბადა ეს ქვეყანა. ის დაიბადა იმისათვის, რომ მასში თქვენ, თავისუფალი ადამიანები ცხოვრობდეთ, რომელთაც უყვართ და დაიცავენ მის ღირსებას. საქართველოს ისტორიაში არ ყოფილა არცეერთი დღე, არცერთი წამი, როდესაც მისი შვილები არ იბრძოდნენ მისი თავისუფლებისთვის“, - მიმართა ბერძენიშვილმა დემონსტრანტებს.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან