პარტია „ქართული ოცნების“ აღმასრულებელმა მდივანმა, ირაკლი კობახიძემ 2020 წლისთვის დაგეგმილ პროპორციულ საარჩევნო სისტემაზე ისაუბრა.

კობახიძემ აღნიშნა, რომ ამ სისტემის ასამუშავებლად მნიშვნელოვანია პოლიტიკურ სისტემაში აგრესია და პოლარიზაცია შემცირდეს, რაც თითოეული პოლიტიკური სუბიექტის პასუხისმგებლობაა.

"ჩვენ დღეს წარვადგინეთ ძალიან მნიშვნელოვანი ინიციატივა, რომელიც გარდატეხას შეიტანს პოლიტიკური სისტემის განვითარებაში. რეალურად,  საქართველოში პოლიტიკური სისტემის განვითარება ახალ ეტაპზე გადადის. პროპორციული საარჩევნო სისტემისა და  ნულოვანი ბარიერის  პირობებში   პოლიტიკური პროცესის წარმართვა და გადაწყვეტილებების მიღება მაქსიმალურად ფართო კონსესუსით იქნება შესაძლებელი. ეს სჭირდება დღეს ჩვენს პოლიტიკურ სისტემას და საზოგადოებას და, ზუსტად ამის გათვალისწინებით, ჩვენ გადავდგით პრინციპულად მნიშვნელოვანი ნაბიჯი, -  2020 წელს არჩევნები ჩატარდება პროპორციული სისტემით, ნულოვანი ბარიერით.  ბუნებრივია, ამგვარ სისტემას სჭირდება ის, რომ ჩვენს პოლიტიკურ სისტემაში შემცირდეს აგრესია და პოლარიზაცია  და ეს თითოეული პოლიტიკური სუბიექტის პასუხისმგებლობაა",- განაცხადა ირაკლი კობახიძემ.

ირაკლი კობახიძემ ხაზი გაუსვა, რომ პროპორციულ სისტემაზე გადასვლის შედეგად, ნულოვანი ბარიერის პირობებში, საზოგადოებას პოლიტიკურ მოვლენებზე სრული პასუხისმგებლობა დაეკისრება, რადგან მცირე მხარდაჭერის მქონე პოლიტიკური სუბიექტებიც კი პარლამენტში მოხვდებიან. კობახიძემ გადაუნაწილებელ მანდატებზეც ისაუბრა და აღნიშნა, რომ ამ ტექნიკური დეტალის გადასაწყვეტად ყველა შემოთავაზებულ ინიციატივას განიხილავენ.

"პარლამენტში მოხვდება ყველა ის პარტია, რომელსაც ექნება თუნდაც მცირე საზოგადოებრივი მხარდაჭერა. ამას უზრუნველყოფს პროპორციული სისტემა და მის პირობებში მაქსიმალურად ზუსტად იქნება ასახული საზოგადოების წარმომადგენლობა პარლამენტში. არა მარტო პოლიტიკური პარტიები, არამედ თავად საზოგადოება აიღებს სრულად პასუხისმგებლობას პოლიტიკურ პროცესებზე და ეს არის მთავარი მიღწევა იმ ინიციატივის, რომელიც დღეს წარვადგინეთ.

რაც შეეხება გაუნაწილებელი მანდატების განაწილებას, რეალურად საუბარია 2-3 მანდატზე, ეს არის ტექნიკის საკითხი. გაჟღერდა რამდენიმე ინიციატივა და ყველა მათგანზე ვიმსჯელებთ", - განაცხადა ირაკლი კობახიძემ.  

ავტორი: ექსპრესნიუსი,

სოციალური ქსელები

ტრამპის ადმინისტრაციამ იმპორტიორებს მიერ უკანონო ტარიფების სახით გადახდილი 100 მილიარდი დოლარი დაუბრუნა

ტულას რეგიონში Wildberries-ის ლოჯისტიკური ცენტრზე დრონის თავდასხმის შემდეგ ხანძარი გაჩნდა

კიევის ოლქზე რუსეთის მასშტაბური დარტყმის შედეგად თოთხმეტი ადამიანი დაიღუპა და 27 დაშავდა

რუსეთის ერთ-ერთმა უმსხვილესმა სატრანსპორტო კომპანიამ შავი ზღვის გავლით ტვირთების გადაზიდვაზე უარი თქვა