ეროვნულ სასწავლო ცენტრ „კრწანისში“ სამხედრო-საინჟინრო უმცროს ოფიცერთა მომზადების კურსი დასრულდა.

თავდაცვის სამინისტროს ინფორმაციით, 10 სამხედრო მოსამსახურეს კურსის წარმატებით დასრულება საქართველოს თავდაცვის მინისტრის მოადგილე ანა დოლიძემ  და გენერალური შტაბის უფროსმა, გენერალ-მაიორმა ვახტანგ კაპანაძემ მიულოცეს. მათ კურსდამთავრებულებს სიტყვით მიმართეს, წარმატებები უსურვეს და სამხედრო განათლების მნიშვნელობაზე ისაუბრეს.

კურსის დასრულების დამადასტურებელი დიპლომები სამხედრო მოსამსახურეებს ანა დოლიძემ, გენერალ მაიორმა ვახტანგ კაპანაძემ და წვრთნებისა და სამხედრო განათლების სარდალმა, პოლკოვნიკმა ლევან ბერიამ გადასცეს.

კურსი 21 კვირის განმავლობაში, სამ მოდულად მიმდინარეობდა. დავით აღმაშენებლი სახელობის საქართველოს ეროვნული თავდაცვის აკადემიის ცხრა და სამხედრო-საინჟინრო ბრიგადის ერთმა სამხედრო მოსამსახურემ ოცეულის დონეზე საინჟინრო ოპერაციების დაგეგმვისა და განხორციელების ღონისძიებები შეისწავლეს.  სწავლების მონაწილეებმა საველე და საშტაბო, ასევე, თეორიული და პრაქტიკული მეცადინეობები გაიარეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ