პარლამენტთან მიმდინარე აქციაზე მიხეილ სააკაშვილის ხსენებას სტვენა და შეძახილები მოჰყვა. აქციაზე ერთ-ერთმა გამომსვლელმა, ისრაელში მცხოვრები ემიგრანტების მიმართვა გააჟღერა და მოუწოდა პოლიტიკოსებს, ახალგაზრდების უფლებები დაიცვან.

აქციის მონაწილეები საუბრობდნენ წინა ხელისუფლების ჩანედილ ქმედებებზე.  ერთ-ერთმა აქციის მონაწილემ 7 ნოემბერი გახსენა, რის შემდეგაც ორგანიზატორებმა მას სიტყვის გაგრძელების საშუალება არ მისცეს.

მისი თქმით, ემიგრანტები ნერვიულობენ მიმდინარე მოვლენების გამო და თუკი საქართველოს ხელისუფლება ვერ დაიცავს ახალგაზრდებს, მიხეილ სააკაშვილს მიმართავენ თხოვნით, საქართველოში ჩამოვიდეს.

აქციის მონაწილეების მხრიდან ამ განცხადებას სტვენა და შეძახილები მოჰყვა.

„დღეს თითოეული თქვენგანი გული ქმნის აქ ერთ მთლიან გულს, რასაც საქართველოს ჰქვია. ჩვენ ქართველი ხალხი ვერ ვაპატიებთ „ქოცებს“ გავრილოვს, 20 ივნისს და გავუშვებთ პოლიტიკურ მოუსავლეთში, მაგრამ ამასთანავე პოლიტიკური მოუსავლეთიდან არ დავაბრუნებთ ისეთ ბნელ ძალებს, როგორიც არის „ნაციონალური მოძრაობა“ არ დავაბრუნებთ, რადგან გვახსოვს 7 ნოემბერი“, – განაცხადა ერთ-ერთმა გამომსვლელმა, რომელსაც სიტყვის დასრულების საშუალება არ მიეცა და ტერიტორიიდან გაიყვანეს.

ავტორი: ექსპრესნიუსი,

სოციალური ქსელები

„გაიარე მეტი“ - „თეგეტა მოტორსმა“ მომხმარებელს აგვისტოში განსაკუთრებული შეთავაზებები მოუმზადა

პენტაგონის ხელმძღვანელი უარყოფს, რომ აშშ-ს რაკეტების მარაგი ამოეწურა

"ყაზბეგის" საზღვარზე ₾143 817-ის ოქროს ზოდების უკანონოდ შემოიტანეს - დაკავებულია რუსეთის მოქალაქე

ოკუპირებულ ტერიტორიებზე მცხოვრები აბიტურიენტები სახელმწიფო უნივერისტეტებში სრულად დაფინანსდებიან - სამინისტრო