„ნასამართლევი უამრავი ადამიანია, მით უმეტეს იმ წლებში როცა თქვენი ხელისუფლება მართავდა. მე თვითონ ნასამართლევი ვარ და კრიმინალი არ მგონია ჩემი თავი“, - ამ სიტყვებით საპარლამენტო უმრავლესობის წევრმა, მერაბ ქვარაიამ „ევროპული საქართველოს“ წევრ, ოთარ კახიძეს დამიანის უფლებათა დაცვის კომიტეტის სხდომაზე მიმართა.

დეპუტატი კახიძის იმ განცხადებას გამოეხმაურა, რომლის თანახმადაც, მმართველ გუნდს საარჩევნო უბნებზე კრიმინალური სამყაროს წევრები ჰყავდა მობლიზებული.

„მე არ მინდა გავიმეორო უკვე ნათქვამი შეხედულებები, მაგრამ ფაქტია, რომ არჩევნები დასრულდა. მე თვითონ ვესწრებოდი მთაწმინდაზე არჩევნების პროცესს და პირდაპირ ვიტყვი, რომ ეს იყო ძალიან მაღალი სტანდარტით ჩატარებული არჩევნები.  პირდაპირ უნდა ვთქვათ, რომ ჩვენი ქვეყანა გაიზარდა და საკმაოდ მაღალი სტანდარტით ხდება ყველაფერი. ამიტომ, რაღაც ჩირქი მოვცხოთ ამ არჩევნებს და ვიღაცისკენ ხელი გავიშვიროთ, არ შეიძლება. ცოტა უხერხულია ჩვენი ამომრჩევლების მიმართ გამოვიჩინოთ ასეთი უპატივცემულობა, რომ ვიღაცა თავს ახვევს, კრიმინალი იქნება თუ ვინ იქნება. ჩვენი ამომრჩეველი მგონი არ იღებს ასე მარტივად გადაწყვეტილებას და საკმაოდ ჩამოყალიბებული გადაწყვეტილებით მიდის არჩევნებზე. ცოტა გაუგებარია, რომ ადამიანებს კრიმინალის იარლიყი ასე უპასუხისმგებლოდ ვესროლოთ და მივაწებოთ, ესეც არ არის სწორი, მით უფრო ბატონი ოთარ კახიძესგან გამიკვირდა ნამდვილად. ნასამართლევი თუ არის ადამიანი, ის კრიმინალი რატომ უნდა იყოს, ვერ ვხვდები. ნასამართლევი უამრავი ადამიანია, მით უმეტეს იმ წლებში როცა თქვენი ხელისუფლება მართავდა. მე თვითონ ნასამართლევი ვარ და კრიმინალი არ მგონია ჩემი თავი. რაც შეეხება ამაზე მაღლა დგომას, უნდა დავდგეთ ჩვენ ამაზე მაღლა, არჩევნებია, ხან წავაგებთ, ხან მოვიგებთ. საბოლოო ჯამში მივლოცოთ გამარჯვებულს“, - განაცხადა მერაბ ქვარაიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მოიპოვე საქართველოს ბანკის სტიპენდია CHEVENING-ის პროგრამაში - განაცხადების მიღება დაიწყო

ბოკუჩავა - დავრჩები პოლიტსაბჭოში რიგით წევრად

კირცხალია – ქალბატონების ჭიდილი უკვე ლამაზ სანახაობად გადაიქცა, ქალბატონი ნანას და ბრწყინვალე თინას ჭიდილი მიხეილ სააკაშვილის კარზე

რუმინეთის საგარეო - რუმინეთი საქართველოს სუვერენიტეტის, ტერიტორიული მთლიანობისა და მისი ევროკავშირისკენ გზის მიმართ სრულად ერთგული რჩება