გაგარინის მოედანზე, კერძოდ კი, მგალობლიშვილისა და ონიაშვილის ქუჩების კვეთაზე, წყლის ცენტრალური მაგისტრალური მილი დაზიანდა, რის შედეგადაც ასფალტის საფარი ჩაინგრა და იქ გაჩერებული რამდენიმე ავტომობილი ჩაიყოლა. 

ადგილობრივების თქმით, გვიან ღამით ძლიერი ხმაური გაიგეს, რასაც წყლის დიდი ნაკადის ამოხეთქვა მოჰყვა.

ადგილზე მობილიზებული არიან სახანძრო-სამაშველო სამსახურის და "ჯორჯიან უოთერ ენდ ფაუერის" წარმომადგენლები. შემთხვევის ადგილზე ასევე საბურთალოს რაიონის გამგებელი გაიოზ სულაძეც იმყოფება. მისივე განცხადებით, ამ ეტაპზე ზარალის დათვლა მიმდინარეობს. 

”ჯორჯიან ვოთერ ენდ ფაუერის” გენერალური დირექტორის ირაკლი ბაბუხადიას განცხადებით, დაზიანდა თუჯის მილსადენი. მისი განმარტებით, მოსახლეობის ნაწილს წყალმომარაგება აღუდგა, დანარჩენს კი 24 საათის მანძილზე მიეწოდება სასმელი წყალი.

„მოვუწოდებ  მოსახლეობას ვისაც ზიანი მიადგა მოგვმართონ განცხადებით და სრულად ავუნაზღაურებთ მიყენებულ ზიანს“, - განაცხადა ბაბუხადიამ.

შემთხვევის შედეგად არავინ დაშავებულა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა