პარლამენტის საგარეო ურთიერთობათა კომიტეტის თავმჯდომარე სოფიო ქაცარავა წინასაარჩევნო პერიოდს პოზიტიურად და დადებითად აფასებს.

მისი შეფასებით,  ოპოზიციას აქვს მცდელობა ზუგდიდში მიმდინარე წინასაარჩევნო კამპანიის დისკრედიტაცია მოახდინოს.

„მე ვუწოდებ ამ კამპანიას პოზიტიურს. ძალიან მნიშვნელოვანია საზოგადოებამ ეს იცოდეს როგორც ზუგდიდში, ასევე მთლიანად საქართველოში. კამპანია არის ძალიან პოზიტიური და საქმიანი. ეს არის ძალიან მნიშვნელოვანი.

აქ საუბარია ხედვებზე, მომავალზე  და მოსახლეობის მხრიდან გეგა შენგელიას მიმართ კეთილგანწყობა არის აშკარა. ფაქტია ის,  რომ ჩვენ ყველა ჩართულები ვართ კამპანიაში და ჩვენ ვხედავთ რეალურად მოსახლეობის განწყობას.

ჩვენი დღის წესრიგი არის პოზიტიური და საქმიანი. საუბარია მხოლოდ და მხოლოდ სამომავლო გეგმებზე, ზუგდიდში არსებულ გამოწვევებზე და თუ როგორ უნდა დაიძლიოს ეს გამოწვევები, რა გაკეთდა ზუგდიდში და რა უნდა გაკეთდეს მომავალში.

მე მინდა ყურადღება გავამახვილო ფონთან დაკავშირებით. რეალურად, რასაც ჩვენ ვხედავთ ტელევიზიით და რაც რეალურად არის, როგორც წინასაარჩევნო კამპანია მიმდინარეობს, ეს არის ორი რადიკალურად განსხვავებული სურათი.

აქ იმყოფება ჩემი ბევრი კოლეგა, რომელიც სხვადასხვა უბანზე ატარებს კამპანიას, მათ შორის მეც და მინდა ხაზი გავუსვა იმას, რომ განწყობაც და კამპანიის მსვლელობაც არის მშვიდი.

თუმცა, ჩვენ ვხედავთ, რომ ზუსტად იმ კვლევების გამო, ზუსტად იმის გამო, რომ   გეგა შენგელია გაცილებით უსწრებს ოპოზიციის კანდიდატს, თუნდაც იმ პროცენტით და ეს არის 12 პროცენტი არის მცდელობა იმისა, რომ ზოგადად ზუგდიდში მიმდინარე კამპანიას ოპოზიციამ ჩრდილი მიაყენოს და პროცესი იყოს დისკრედიტირებული, შეიქმნას ფონი, თითქოს  აპოკალიფსი ხდება ზუგდიდში. რეალურად, ეგრეთწოდებული ცხელი წერტილები, რაც რამდენიმე დღის განმავლობაში დავინახეთ, ეს არის ხელოვნურად შექმნილი პროვოკაციული ფონი.

ირაკლი ჩიქოვანმა დეტალური ინფორმაცია მოგვაწოდა ამ კვლევებთან დაკავშირებით. ჩვენ უკვე რამდენიმე დღეა აქტიურად ვიღებთ მონაწილეობას წინასაარჩევნო კამპანიაში. არ მიკვირს რომ ის შედეგები, რაზეც ირაკლი ჩიქოვანმა ისაუბრა, დაიდო კვლევის შედეგად. კამპანია არის ძალიან პოზიტიური „ქართული ოცნების" მხრიდან. პირადად ვარ ამ კამპანიაშო ჩართული. დიდი რაოდენობით მოსახლეობას ვხვდებით, ახლა დავბრუნდი ერთ-ერთი უბნიდან, სადაც ძალიან საქმიანად მიმდინარეობს წინასაარჩევნო კამპანია.

განწყობებს რაც შეეხება და 12%-იან უპირატესობას - ჩვენს კანდიდატს აქვს აშკარა უპირატესობა. კეთილგანწყობა გეგა შენგელიას მიმართ არის აშკარა და ამას მოსახლეობასთან ინტენსიური კომუნიკაციისას ვხედავთ. გარდა ამისა, ჩვენი ინტერესია და ძალიან მნიშვნელოვანია ჩვენთვის, რომ ზუგდიდში და მთლიანად საქართველოში კამპანიამ მშვიდ და სტაბილური ვითარებაში ჩაიაროს“, - აღნიშნა სოფიო ქაცარავამ.

(NS)

ავტორი: ექსპრესნიუსი,

სოციალური ქსელები

გენერალმა ზალუჟნიმ თავი ნატოს მხარდამჭერად მოიხსენია, თუმცა ალიანსში ცვლილებების საჭიროებაზე მიუთითა

ნავთობგადამამუშავებელ ქარხანაზე განხორციელებულმა დარტყმებმა რუსეთის ბიუჯეტს 1.2 ტრილიონი რუბლის ზარალი მოუტანა

გიგა ავალიანის საქმეზე ანასტასია ბერუაშვილსაც აკავებენ

გიგა ავალიანის საქმის ერთ-ერთი ფიგურანტი ნია იმნაძე დააკავეს