ფრაქცია „პატრიოტთა ალიანსი და სოციალ-დემოკრატების“ თავმჯდომარემ, გიორგი ლომიამ შს მინისტრს გიორგი გახარიას მიმართა, რომ ჰომოფობიასთან ბრძოლის დღეს ლგბტ თემს მსვლელობაზე უარი ათქმევინოს. 

ლომიას თქმით, ლგბტ თემის მსვლელობა ქვეყანაში ვნებათაღელვას გამოიწვევს. 

“ბოლო პერიოდში საპატრიარქოსა და პატრიარქის წინააღმდეგ შავი პიარ-კამპანიები მიმდინარეობს. ამის უკან არასამვრობო ორგანიზაციები, ცალკეული მოქალაქეები და სამწუხაროდ, მასმედიის საშუალებები დგანან. ამ ყველაფრისთვის ძალიან დიდი ფული იხარჯება. ძალიან ცუდია, რომ ვერ გამოავლინეთ თუ ვინ დგას ამ შავი პიარ-კამპანიის უკან. დღემდე ეს ადამიანები არ არიან გამოვლენილი და დასჯილნი. პატრიარქმა 17 მაისი ოჯახის სიწმინდის დღედ გამოაცხადა. 17 მაისს ლგბტ საზოგადოების მსვლელობაა გამოცხადებული, რაც პრინციპში, საზოგადოების მეორე მხარესთან დაპირისპირებას გამოიწვევს. პოლიცია უნდა იყოს სიმშვიდის გარანტი და მინდა გთხოვოთ, რომ მედიატორის როლი ითამაშოთ ლგბტ საზოგადოებასა და მეორე მხარეს შორის. დაელაპარაკეთ ამ მსვლელობის ორგანიზატორებს, რომ უარი თქვან ამ მსვლელობაზე, რათა ამან ქვეყანაში ვნებათაღელვა არ გამოიწვიოს. გთხოვთ გამოუყოთ ადგილი, სადაც ისინი შეგროვდებიან, ოღონდ ის ადგილი, რომელსაც გამოუყოფთ, არ უნდა იყოს დაკავშირებული არც ქვეყნის გამარჯვებებთან და არც სიწმინდეებთან”, - განაცხადა ლომიამ.  

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

გენერალმა ზალუჟნიმ თავი ნატოს მხარდამჭერად მოიხსენია, თუმცა ალიანსში ცვლილებების საჭიროებაზე მიუთითა

ნავთობგადამამუშავებელ ქარხანაზე განხორციელებულმა დარტყმებმა რუსეთის ბიუჯეტს 1.2 ტრილიონი რუბლის ზარალი მოუტანა

გიგა ავალიანის საქმეზე ანასტასია ბერუაშვილსაც აკავებენ

გიგა ავალიანის საქმის ერთ-ერთი ფიგურანტი ნია იმნაძე დააკავეს