„ევროპული საქართველოს“ ლიდერი დავით ბაქრაძე პანკისის ხეობაში მომხდარ მოვლენებს ეხმაურება.

მისი თქმით, მიუღებელია ფიზიკური წინააღმდეგობა პოლიციის და ზოგადად სახელმწიფო ინსტიტუტების მიმართ.

„უკიდურესად შეშფოთებული ვარ პანკისში ხეობაში შექმნილი ვითარებით. პირველ რიგში, მინდა ცალსახად განვაცხადო, რომ მიუღებელია ფიზიკური წინააღმდეგობა პოლიციის და ზოგადად სახელმწიფო ინსტიტუტების მიმართ. ამ ქვეყნის თითოეული მოქალაქის ვალია, მძაფრი უთანხმოების შემთხვევაშიც კი პატივი სცეს სახელმწიფო ინსტიტუციების და მათ შორის - პოლიციის მუშაობას. მაგრამ ასევე სრულიად ცალსახად ვაცხადებ, რომ გადაწყვეტილება პანკისის ხეობაში სპეცრაზმის შეყვანის და მოსახლეობის სოციალურ - ეკონომიკური პროტესტისთვის ძალის დემონსტირებითა პასუხის შესახებ წარმოადგენს სრულიად მავნებლურ, გაუაზრებელ და უგუნურ ნაბიჯს ხელისუფლების მხრიდან. „-აცხადებს ბაქრაძე.

„ევროპული საქართველოს“ ლიდერის აზრით, შექმნილი ვითარება პრობლემას უქმნის არამხოლოდ ხელისუფლებას, არანედ ქართულ სახელმწიფოს, ქვეყანაში სიმშვიდეს, სტაბილურობასა და კანონის პატივისცემას.
 

„სწორედ ამიტომ, მინდა მოვუწოდო პანკისის ხეობის მოსახლეობას: ჩვენ გვესმის თქვენი სოციალურ - ეკონომიკური პროტესტის, ჩვენ ვიცით ყველა ის პრობლემა რომელიც წლების მანძილზე შეიქმნა ხეობაში, მაგრამ ჩვენი ყველას ვალია, პატივი ვცეთ კანონს და ვაჩვენოთ, რომ ყველა ვართ ქართული სახელმწიფოს მოქალაქეები ვისთვისაც ამ ქვეყანაში მნიშვნელოვანია სიმშვიდე, წესრიგი და სტაბილურობა.

ამავე დროს, კატეგორიულად მოვუწოდებ ხელისუფლებას, შეწყვიტოს მოსახლეობასთან კუნთების თამაში და ძალის დემონსტრირება, თავი დაანებოს სპეცრაზმის ენაზე საუბარს, დასხდნენ და ესაუბრონ პანკისელებს იმაზე, თუ როგორ უნდა მოგვარდეს ის პრობლემები და არა მხოლოდ კონკრეტული ჰეს-ის თემა, რომლებიც წლებია აწუხებს პანკისის ხეობის მოსახლეობას.

ჩვენი ყველას ვალია, დავიცვათ სახელმწიფოში წესრიგი და სიმშვიდე, რომელიც დღეს ხიფათის წინაშე დააყენა ხელისუფლების უგუნურმა ნაბიჯებმა. სწორედ ამიტომ, როგორც პოლიტიკოსი, პარლამენტის წევრი და ამ ქვეყნის მოქალაქე, მზადყოფნას გამოვთქვამ, საჭიროების შემთხვევაში ჩავერთო და მონაწილეობა მივიღო პანკისის ხეობაში ვითარების დამშვიდებაში, სიმშვიდის, კანონის და წესრიგის პატივისცემის და ადგილობრივი მოსახლეობის პრობლემების მოგვარების პროცესში.“ - დავით ბაქრაძე

ავტორი: ექსპრესნიუსი,

სოციალური ქსელები

გენერალმა ზალუჟნიმ თავი ნატოს მხარდამჭერად მოიხსენია, თუმცა ალიანსში ცვლილებების საჭიროებაზე მიუთითა

ნავთობგადამამუშავებელ ქარხანაზე განხორციელებულმა დარტყმებმა რუსეთის ბიუჯეტს 1.2 ტრილიონი რუბლის ზარალი მოუტანა

გიგა ავალიანის საქმეზე ანასტასია ბერუაშვილსაც აკავებენ

გიგა ავალიანის საქმის ერთ-ერთი ფიგურანტი ნია იმნაძე დააკავეს