წყნეთში, ორ მისამართზე საცხოვრებელი სახლების გამაგრების სამუშაოები მიმდინარეობს.

თბილისის მერიის ინფორმაციით, რეაბილიტაცია „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, სოხუმისა და გურამიშვილის ქუჩებზე მდებარე კორპუსებს უტარდება.

გურამიშვილის N40-ში მიმდინარე სამუშაოების პირველ ეტაპზე, აგურის კედლების, ბეტონის ფილების, კიბეების, ფანჯრებისა და აივნების დემონტაჟი განხორციელდა. პროექტის თანახმად, უკვე გამაგრდა სახლის საძირკველი, მოეწყო კარკასი აივნებისთვის, სართულშუა გადახურვის განახლება კი უახლოეს დღეებში დასრულდება.

რაც შეეხება სოხუმის N13-ში არსებულ სახლს, ტერიტორიაზე მიწის სამუშაოები ჩატარდა, გამაგრდა საძირკველი, განხორციელდა არმირება და კარ-ფანჯრების მოჩარჩოება. სამუშაოების შემდგომ ეტაპზე, ასევე, იგეგმება ფასადის რეაბილიტაცია.

სოხუმის N13-ში ოთხი, ხოლო გურამიშვილის N40-ში რვა ოჯახი ცხოვრობს. პროექტების შედეგად, მათ განახლებული, გამაგრებული და უსაფრთხო საცხოვრებელი გარემო ექნებათ. პროექტის ღირებულება სოხუმის ქუჩაზე, დაახლოებით, 50 000-მდე ლარი, გურამიშვილის ქუჩაზე კი, 65 000-მდე ლარია.

საცხოვრებელი სახლების გამაგრების სამუშაოებს გამგეობის დაკვეთით, კომპანიები -„ბილდინგი“ და შპს „ანი“ აწარმოებენ.

პარალელურად, უახლოეს მომავალში სოხუმის N13-ში ასევე, სახურავის შეკეთება, ხოლო გურამიშვილის N40-ში წყალარინების ქსელის რეაბილიტაცია დაიწყება.

(NS)

ავტორი: ექსპრესნიუსი,

სოციალური ქსელები

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა