სასჯელაღსრულებისა და პრობაციის მინისტრი გიორგი მღებრიშვილი დღეს ერევანში გაემგზავრება, სადაც იუსტიციის მინისტრ თეა წულუკიანთან ერთად, „ღია მმართველობის პარტნიორობის“ (OPG) ფარგლებში გამართულ სომხურ-ქართული სამართლის ფორუმში მიიღებს მონაწილეობას.

სასჯელაღსრულების სამინისტროს ინფორმაციით, აღნიშნულ ფორუმზე საჯარო სამსახურში გატარებული რეფორმების განხილვა, მიღწეული პროგრესის შესახებ ინფორმაციის გაცვლა და პენიტენციური სისტემის რეფორმის შესახებ გამოცდილების გაზიარება  იგეგმება.

ვიზიტის ფარგლებშივე,  გიორგი მღებრიშვილი და სომხეთის რესპუბლიკის იუსტიციის მინისტრი ჰოვანეს მანუკიანი სასჯელაღსრულების სფეროში თანამშრომლობის მემორანდუმს მოაწერენ ხელს.

სასჯელაღსრულებისა და პრობაციის სამინისტროს დელეგაციის  ვიზიტი ერევანში 26 ივნისს დასრულდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით