კ. გამსახურდიას სახელობის სოხუმის სახელმწიფო დრამატულმა თეატრმა  საუკეთესო რეჟისორული ნამუშევრისთვის გრანპრი აიღო. 
ამის შესახებ „ექსპრესნიუსს“ სოხუმის თეატრის მთავარმა რეჟისორმა დავით საყვარელიძემ განუცხადა. 
როგორც საყვარელიძემ აღნიშნა, სოხუმის თეატრმა კომედიის ყოველწლიურ თეატრალურ ფესტივალზე  კომედიური ჟანრის სპექტაკლი „მილიონრები“ წარადგინა, რომელმაც  ფულადი ჯილდო დაიმსახურა. 

„ჩვენმა თეატრმა მონაწილეობა მიიღო კომედიის ყოველწლიურ  თეატრალურ ფესტივალზე. აღნიშნული ფესტივალი საკმაოდ დიდია  და საქართველოს მასშტაბით ყველა მოქმედი  სახელმწიფო თეატრი  მონაწილეობას იღებს.  ამ წელს კომედიის ყოველწლიურ ფესტივალზე ოცმა თეატრმა წარადგინა   სპექტაკლები კომედიურ ჟანრში. ამ ფესტივალზე ჩვენ წარვადგინეთ ახალი სპექტაკლი „მილიონრები“, რომლის პრემიერა  ორი კვირის წინ შედგა. „მილიონრები“ დაიდგა კონსტანტინე გამსახურდიას სახელობის თეატრში.  მე გავიმარჯვე საუკეთესო რეჟისორული ნამუშევრისთვის ამ ნომინაციაში როგორც დამდგმელმა რეჟისორმა.  სოხუმის თეატრისთვის ეს ძალიან დიდი წარმატებაა გამომდინარე იქიდან, რომ ჩვენს თეატრს არა აქვს შენობა და  ძალიან ცუდ პირობებში გვიწევს მუშაობა, მაგრამ მიუხედავად ამ მდგომარეობისა ჩვენ მაინც მოწონება დავიმსახურეთ და პრიზი მივიღეთ. ეს არის ფულადი ჯილდო,რომელიც საკმაოდ დიდია. ჩვენ  პატარა შენობა გვაქვს რომელიც მდებარეობს ვაჟა ფშაველას 6#-ში და იქ გავდივართ რეპეტიციებს. სპექტაკლი  ახმეტელის თეატრის სცენაზე ვითამაშეთ.  ახმეტელის თეატრმა უფასოდ დაგვითმო თავისი სცენა“,-აღნიშნა დავით საყვარელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა

საქართველოს ბანკის მხარდაჭერით, 500 Global in Eurasia-ს აქსელერაციის პროგრამის XI ნაკადის გადამზადება დაიწყო