PUMA-ს ტიპის ფრანგული ვერტმფრენები, რომლებიც ამ დროისთვის  ეკონომიკის სამინისტროს ბალანსზეა, შესაძლოა, აღარ გაიყიდოს. ამის შესახებ საქართველოს თავდაცვის მინისტრმა თინა ხიდაშელმა ჟურნალისტებს განუცხადა. 

მისივე თქმით,  იმ შემთხვევაში, თუკი ვერტმფრენები არ გაიყიდება, ჯერჯერობით არ შეუძლია თქმა, რომელი უწყება გამოიყენებს მას.  თუმცა, ხიდაშელი ამბობს, რომ ვერტმფრფენებთან დაკავშირებით გადაწყვეტილება აუცილებლად  მისაღებია.

"ის, რომ ეს ვერტმფრენები ამდენი ხანი გაჩერდა, იმიტომ, რომ არ გაიყიდა, უკვე დამატებითი ხარჯებია. ამიტომ, შესაძლებელია ვისაუბროთ იმაზე, რომ გადაკეთდეს და სამხედრო საქმიანობისთვის იყოს გამოყენებული, ან გადაკეთდეს და სამაშველო შესაბამისმა უწყებებმა წაიღონ-გარემოს დაცვამ, საზღვარმა, ან არვიცი. ყოველშემთხვევაში, გადაწყვეტილება ამ ვერტმფრენებთან დაკავშირებით მისაღებია",-აღნიშნა თინა ხიდაშელმა.

ამასთან, გენერალ-მაიორ ვახტანგ კაპანაძის განმარტებით, თანამედროვე ფრანგული ვერტმფრენები- ძლიერი, ძვირი, მრავალ უნქციური ვერტმფრენებია, რომლებიც  საქართველოს შეიარაღებულ ძალებს გამოადგება. 

"ის ვერტმფრენები, რომელიც ჩვენ გაგვაჩნია, არის ძალიან თანამედროვე, აღჭურვილი უახლესი ნავიგაციისა და ავიონიკის საშუალებებით, მას შეუძლია საკმაოდ მნიშვნელოვცანი ამოცანების შესრულება.ის ვერტმფრენი, რომელიც მოწყობილია ე.წ. ვიაპი ტრანსპორტირებისთვის, საცოდაობაა იმის დაშლა და გამოფატვრა და გადაკეთება, რადგან ეს ყველაფერი დიდ თანხებთან იქნება დაკავშირებული, მეორე ვერტმფრენი, რომელიც არსებობს, მისი გამოყენება ასევე შესაძლებელია, თუ იქნება შესაბამისი პირობები. ჩვენ გვყავს მომზადებული ეკიპაჟები, ჩვენ გვაქვს ჩვენი ხედვები, კონცეფციები, გათვლები და აღნიშნულმა ვერტმფრენებმა შესაძლებელია, გადაწყვეტილების მიღების შემთხვევაში, დაიკავონ თავისი საჭირო ადგილი",-განაცხადა ვახტანგ კაპანაძემ.

ეს განცხადებები ვაზიანში, IV მექანიზირებული ბრიგადის ბაზაზე გაკეთდა, სადაც არასამთავრობო ორგანიზაციების წარმომადგენლებს უმასპინძლეს.

თავდაცვის მინისტრმა და გენერალური შტაბის უფროსმა არასამთავრობო ორგანიზაციების წარმომადგენლებს სტიქიის ზონაში სალიკვიდაციო სამუშაოებში შეიარაღებული ძალების ქვედანაყოფების ჩართულობის, განხორციელებული და მიმდინარე აქტივობების შესახებ ანგარიში ჩააბარეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას