აშშ ელჩის მოვალეობის შემსრულებელი როუს უილსონი სახელმწიფო დეპარტამენტის ანგარიშს ეხმიანება.

მისი თქმით საქართველო უკვე დიდი ხანია რეგიონში დემოკრატიისა და ადამიანის უფლებების დაცვის კუთხით ლიდერია და ასეთად რჩება.

„პირველ რიგში აღსანიშნავია, რომ ეს არის ყოველწლიური ანგარიში, რომლის მომზადებასაც სახელმწიფო მდივანს კანონი ავალდებულებს. ის ამზადებს ანგარიშს ადამიანის უფლებების მდგომარეობის თვალსაზრისით მსოფლიოს მასშტაბით 200 ქვეყნის შესახებ. ანგარიშზე მომუშავეებს საერთო სახელმძღვანელო პრონციპები აქვთ და კრიტიკულად უყურებენ იმ საკითხს, თუ როგორ იცავს ქვეყანა ადამიანის უფლებების საერთაშორისოდ აღიარებულ ნორმებს. საქართველოს შესახებ ანგარიში კრიტიკულია. ეს ასეც უნდა იყოს, ამ ქვეყნის, მისი მთავრობის  - მტკიცე მეგობრების პოზიციიდან იმ საკითხებზე, რომლებზეც სამართლებრივად ვალდებულნი ვართ ანგარიში მოვამზადოთ.

საქართველო დიდი ხანია ლიდერია რეგიონში ადამიანის უფლებებისა და დემოკრატიის თვალსაზრისით და ლიდერად რჩება. ეს ის საკითხებია, რაზეც აქტიური დიალოგი გვაქვს მთავრობასთან - იმ საკითხების უმეტესობასტან დაკავშირებით მაინც, რაც ანგარიშშია მოყვანილი. ჩვენ ველით რომ გავაგრძელებთ მტკიცე, მეგობრულ და სასარგებლო დიალოგს იმ საკითხებზე, რაც მნიშვნელოვანია საქართველოს მომავლისათვის; ეს ასევე მნიშვნელოვანია ამერიკელი ხალხისთვის“, - განაცხადა როს უილსონმა.

(NS)

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს