კორეის რესპუბლიკაში სამუშაო ვიზიტის ფარგლებში, საქართველოს ეკონომიკისა და მდგრადი განვითარების მინისტრი გიორგი ქობულია კორეის საგარეო საქმეთა ვიცე-მინისტრს ლი ტე-ჰოს შეხვდა. შეხვედრას ასევე დაესწრნენ საქართველოს ელჩი კორეაში ოთარ ბერძენიშვილი, ეკონომიკისა და მდგრადი განვითარების მინისტრის მოადგილე გენადი არველაძე და სსიპ „აწარმოე საქართველოში" დირექტორი მიხეილ ხიდურელი.

შეხვედრაზე მხარეებმა განიხილეს ორი ქვეყნის სავაჭრო-ეკონომიკური ურთიერთობა და ყურადღება გაამახვილეს სამომავლო თანამშრომლობის ძირითად მიმართულებებზე. ქართულმა მხარემ გამოთქვა დაინტერესება, რათა საქართველოს და კორეას შორის დაიწყოს მოლაპარაკებები თავისუფალი ვაჭრობის შეთანხმების გაფორმების მიზნით. აღინიშნა, რომ ქვეყნებს შორის თავისუფალი ვაჭრობის რეჟიმის დამყარება, შექმნის ახალ შესაძლებლობებს სავაჭრო-ეკონომიკური ურთიერთობების გაძლიერებისა და გაღრმავების მხრივ.

შეხვედრაზე აღინიშნა, რომ არაერთი მსხვილი კორეული კომპანია, როგორიცაა, მაგალითად,  „სამსუნგი", „ელ ჯი" და სხვა, დიდი წარმატებით საქმიანობს საქართველოს ბაზარზე, გარდა ამისა, მსხვილი ინვესტორი კომპანიები კორეეიდან, როგორიცაა "K-Water" და "KHNP", ასევე აქტიურად ახორციელებენ ინვესტიციებს ენერგეტიკის სექტორში. შეხვედრაზე ითქვა, რომ ამის მიუხედავად, საქართველო დაინტერესებულია, მეტი კორეული ინვესტიცია შემოვიდეს საქართველოში, მით უფრო, რომ მსოფლიო ბანკის „ბიზნესის კეთების რეიტინგის" თანახმად, საქართველო ბიზნესის კეთების სიმარტივის მაჩვენებლით მსოფლიოში მე-6 ქვეყანაა. 

შეხვედრაზე ასევე ყურადღება გამახვილდა ორ ქვეყანას შორის სავაჭრო მისიების, გამოფენებისა და ბიზნესფორუმების ორგანიზებაზე, რომელიც ხელს შეუწყობს ორი ქვეყნის ბიზნესწრეებს, დაამყარონ უფრო აქტიური საქმიანი კონტაქტი. თავის მხრივ, ქართულმა მხარემ დეტალურად ისაუბრა საქართველოში წარმატებით მოქმედ ბიზნესის სტიმულირების პროგრამებზე, რომელიც სააგენტოს „აწარმოე საქართველოში" და სხვა სახელმწიფო ფონდების მონაწილეობით ხორციელდება.

(NS)

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს