სოფლის მეურნეობისა და სოფლის განვითარებისათვის ევროპის სამეზობლო პროგრამის (ENPARD) ფარგლებში, მუდმივმოქმედი კომიტეტის რიგით მეოცე შეხვედრა გაიმართა. შეხვედრას გარემოს დაცვისა და სოფლის მეურნეობის მინისტრის მოადგილე ხატია წილოსანი ხელმძღვანელობდა.

მინისტრის მოადგილემ, კომიტეტის წევრებთან ერთად, ENPARD-ის პროექტის ფარგლებში შესრულებული ვალდებულებები განიხილა და ევროკავშირს და პარტნიორ ორგანიზაციებს აქტიური მხარდაჭერისთვის მადლობა გადაუხადა.

მუდმივმოქმედი კომიტეტის შეხვედრაზე ევროკავშირის, გაეროს განვითარების პროგრამისა (UNDP) და გაეროს სურსათისა და სოფლის მეურნეობის ორგანიზაციის (FAO) წარმომადგენლებმა  სამინისტროს მხარდაჭერის სამომავლო ხედვები განიხილეს.

საუბარი შეეხო თბილისში მიმდინარე წლის აპრილში დაგეგმილი კონფერენციის მნიშვნელობას, რომლის ფარგლებშიც, საერთაშორისო ექსპერტების ჩართულობით, სოფლის განვითარების ხელშეწყობასთან დაკავშირებული საკითხები განიხილება.

შეხვედრას ევროკავშირის წარმომადგენელი საქართველოში ვინსენტ რეი, ევროკავშირის საქართველოს წარმომადგენლობის ატაშე სოფლის მეურნეობის დარგში კრისტინა კასელა, ევროკავშირის წარმომადგენელი ქეთევან ხუციშვილი, გაეროს სურსათისა და სოფლის მეურნეობის ორგანიზაციის (FAO) წარმომადგენელი რაიმუნდ იელი და მამუკა მესხი, გაეროს განვითარების პროგრამის (UNDP) წარმომადგენელი მუნხტუია ალტანგერელი და ENPARD-ის კონსორციუმის წევრები ესწრებოდნენ.

(NS)

ავტორი: ,

სოციალური ქსელები

გორში ტელე-რადიო კომპანია „თრიალეთის“ მხარდამჭერი აქცია გაიმართა

თიბისი სტუმრებს Tbilisi Open Air-ზე განსაკუთრებული შეთავაზებებით უმასპინძლებს

მდინარაძე ავალიანის საქმეზე დაზარებულებს მიმართავს - ნუ დავასწრებთ მოვლენებს

კუპრაძე - მოქალაქეებო კამერებით რუსული სპეცსამსახურები გვითვალთვალებენ, ეს ყველაფერი ივანიშვილის ანტიქართულმა რეჟიმმა აამოქმედა