საჯარო რეესტრის ეროვნული სააგენტოს საერთაშორისო ორგანიზაციებთან ურთიერთობის სამსახურის უფროსმა მარი ხარძიანმა  გაეროს  ევროპის ეკონომიკური კომისიის მიწის ადმინისტრირების სამუშაო ჯგუფის (UNECE WPLA)   მიერ ორგანიზებულ საერთაშორისო ღონისძიებაში მიიღო მონაწილეობა. 

მიწის ადმინისტრირების სამუშაო ჯგუფის წლევანდელ - XI სესიაზე, რომელიც შვეიცარიაში, ქალაქ ჟენევაში გაიმართა მხარეებმა  ჯგუფის ორწლიანი მუშაობის შედეგები შეაჯამეს და მიწის ადმინისტრირებისა და მართვის გასაუმჯობესებლად   საქმიანობის მომავალი მიმართულებები  განიხილეს.    

ღონისძიების ფარგლებში, პროცედურების შესაბამისად, საქართველო, როგორც მიწის ადმინისტრირების სამუშაო ჯგუფის ბიუროს წევრი სახელმწიფო, ორი წლის ვადით ხელახლა აირჩიეს. სესიაში 100-ზე მეტი დელეგატი მონაწილეობდა. ღონისძიებაზე წარმოდგენილი იყო სხვადასხვა კვლევითი ინსტიტუტი და საერთაშორისო ორგანიზაცია, მათ შორის მსოფლიო ბანკი, გაეროს სურსათისა და სოფლის მეურნეობის ორგანიზაცია. 

საჯარო რეესტრის ეროვნული სააგენტო გაეროს ევროპის ეკონომიკური კომისიის მიწის ადმინისტრირების სამუშაო ჯგუფთან (UNECE WPLA) დაარსების დღიდან თანამშრომლობს.  

მიწის ადმინისტრირების სამუშაო ჯგუფის XI სესია - მაღალი რანგის  საერთაშორისო პლატფორმაა, რომელიც ევროპის ქვეყნებს შორის მიწის ადმინისტრირებასა და მართვასთან დაკავშირებული საუკეთესო გამოცდილებისა და პრაქტიკის გაზიარებას, ექსპერტული მოსაზრებებისა და რეკომენდაციების ურთიერთგაცვლას უწყობს ხელს.

მიწის ადმინისტრირების სამუშაო ჯგუფის მიზანია, წევრ სახელმწიფოებში ხელი შეუწყოს  მიწის მართვის გაუმჯობესებას, საკუთრების დაცვას, უძრავი ქონების ბაზრის განვითარებას, რეგისტრაციის სისტემის მოდერნიზაციას და ა.შ. 

(NS)

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს