რუსეთის საგარეო საქმეთა მინისტრის მოადგილის გრიგორი კარასინის განცხადებით, საქართველოს ევროატლანტიკური მისწრაფება ოფიციალურ მოსკოვთან ურთიერთობების დარეგულირებას ხელს უშლის. ამის შესახებ რუსმა დიპლომატმა "რია ნოვოსტისთვის" მიცემულ ინტერვიუში განაცხდა.

ურთიერთობების დარეგულირების კიდევ ერთ ხელის შემშლელ ფაქტორად,  კარასინი საქართველოში ნატო-ს მასშტაბურ სამხედრო წვრთნებს ასახელებს.

"რა თქმა უნდა საქართველოსთან ურთიერთობების განვითარების პროცესში არსებობს სირთულეები. ამ სირთულეებიდან ერთ-ერთი ყველაზე მთავარი - ნატო-ს დღის წესრიგია, რომელიც ოფიციალურ თბილისს აქვს არჩეული. ეს ყველაფერი ხელის შემშლელია", - განაცხადა კარასინმა.

კითხვაზე - რას გულისხმობდა, როდესაც ზურაბ აბაშიძესთან შეხვედრამდე განაცხადა, რომ ქართველი კოლეგები უსიამოვნო მოულოდნელობების შესახებ უნდა გაეფრთხილებინა, კარასინმა ასე უპასუხა:

"ჩვენ პირიქით ვცდილობთ მოვუწოდოთ საქართველოს, რომ ჩვენ ურთიერთობებში უსიამოვნო მოულოდნელობები არ არსებობდეს. საქმე იმაშია, რომ ქართულ საგარეო პოლიტიკაში სულ უფრო ხშირად ვლინდება ნატო-ს დღის წესრიგი. საკმაოდ ხშირად საქართველოში ტარდება ნატო-ს სამხედრო სწავლებები. ამასთან, საქართველო ხელს უწყობს იმას, რომ ამ სწავლებებში სხვა ქვეყნებმაც მიიღონ მონაწილეობა, მაგალითად სომხეთმა", - განმარტა რუსმა დიპლომატმა.  

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს