დეპუტატმა  ზვიად კვაჭანტირაძემ საპარლამენტო უმრავლესობა და ფრაქცია „ქართული ოცნება“ დატოვა.

როგორც მან ბაქოში, ჟურნალისტებს განუცხადა, პარტიის თავმჯდომარესთან ამ საკითხზე საუბარი რამდენიმე თვის წინ ჰქონდა.

„ჩემთვის ამ თემაზე საუბარი ძალიან მძიმეა. რამდენიმე თვის წინ მქონდა კონკრეტული საუბარი დაახლოებით ასეთ გეგმებზე პარტიის თავმჯდომარესთან და მაშინ გადაწყდა, რომ ნაჩქარევი იქნებოდა ამ ნაბიჯის გადადგმა, არ იქნებოდა სწორი. ამის შემდეგ საკმაო დრო გავიდა და მე უბრალოდ არ მინდა ხმამაღალი ნათქვამი გამომივიდეს, თუმცა გადაწყვეტილება, რომელიც მივიღე არის პროტესტი იმის საწინააღმდეგოდ, რაც სიტუაციაშიც ვართ დღეს ჩვენ პარლამენტში. ეს არის ჩემთვის ძალიან მტკივნეული თემა, სულაც არ მგვრის ეს სიამოვნებას, მაგრამ ვფიქრობ, არჩევანი მქონდა და ჩემი გადაწყვეტილება წასვლის თაობაზე იქნება სწორი ჩემი თანამებრძოლების, მეგობრების, იმ ხალხის წინაშე, რომელთან ერთადაც ჩვენ მოვიტანეთ 2012 წლის პირველი ოქტომბერი“, - განაცხადა ზვიად კვაჭანტირაძემ.

შეგახსენებთ, კვაჭანტირაძე უკვე მეხუთე დეპუტატია, ვინც ბოლო პერიოდში მმართველი გუნდი დატოვა. მანამდე „ქართული ოცნებიდან“ წასვლის შესახებ ეკა ბესელიამ, ლევან გოგიჩაიშვილმა, გედევან ფოფხაძემ და ბექა ნაცვლიშვილმა განაცხადეს.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს