„ქართულმა ოცნებამ“ პარლამენტში საკონსტიტუციო უმრავლესობა დაკარგა.

აღნიშნულის მიზეზი გუნდიდან 3 დეპუტატის გასვლა გახდა.

კერძოდ, დეპუტატ ეკა ბესელიასა და ლევან გოგიჩაიშვილის შემდეგ, ცოტა ხნის წინ უმრავლესობა ბექა ნაცვლიშვილმაც დატოვა.

შედეგად მმართველ გუნდს პარლამენტში 112 დეპუტატი დარჩა, საკონსტიტუციო უმრავლესობისთვის კი, პარლამენტის სრული შემადგენლობის ¾-ია საჭიროა (სულ მცირე 113 დეპუტატი).

საკონსტიტუციო უმრავლესობა პარლამენტის ყველაზე მაღალი კვოტაა. ასეთი უმრავლესობით პოლიტიკურ ძალას შეუძლია როგორც რიგითი კანონპროექტებისა და დადგენილებების მიღება (50 ხმით), ასევე ორგანული კანონის შეცვლა (76 ხმით). რაც შეეხება კონსტიტუციაში ცვლილებების განხორციელებას, 113 ხმით ნებისმიერი ცვლილების განხორციელებაა შესაძლებელია, თუმცა ამისათვის საჭიროა, ინიციატივას კენჭი ორ სხვადასხვა სესიაზე ეყაროს და პარალელურად საერთო-სახალხო განხილვები გაიმართოს.

შეგახსენებთ, ეკა ბესელიასა და ლევან გოგიჩაშვილის მიერ გუნდის დატოვება მოსამართლეთა უვადოდ დანიშვნის შეჩერების თაობაზე მომზადებული კანონპროექტის ჩაგდებას უკავშირდება. რაც შეეხება ბექა ნაცვლიშვილს, მან გუნდი მას შემდეგ დატოვა, რაც საპენსიო სისტემაში ცვლილებების თაობაზე, გუნდმა მის ინიციატივას მხარი არ დაუჭირა.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს