„ჩვენ ყველა პარტნიორს ვთხოვთ რომ გაითვალისწინოს „ტატუნაშვილი-ოთხოზორიას სია“ და ვიმედოვნებ, რომ 2019 წელი იქნება ძალიან მნიშვნელოვანი ამ თვალსაზრისით“, - ამის შესახებ პრემიერ-მინისტრმა მამაუკა ბახტაძემ მუხათგვერდის ძმათა სასაფლაოზე ჟურნალისტებს განუცხადა.

არჩილ ტატუნაშვილის გარდაცვალებიდან ერთი წელი გავიდა.

პრემიერის თქმით, „ტატუნაშვილი-ოთხოზორიას სიას“ საქართველო აუცილებლად წარუდგენს სასამართლოს ამ სიაში შეყვანილ პირებს.

„არჩილ ტატუნაშვილი არის ქართველი გმირი, ისევე როგორც გმირები არიან მისი მშობლები რომ ასეთი ვაჟკაცი აღუზარდეს საქართველოს, ჩვენ სწორედ ასეთი დანაშაულების გამო შევქმენით „ტატუნაშვილი-ოთხოზორიას სია“ და ამ სიაში არიან შეყვანილი ბრალდებული პირები, რომელსაც საერთაშორისო სამართლითი უნდა მოეთხოვოთ პასუხი და ეს სია აუცილებლად გაფართოვდება, ვინაიდან მიმდინარეობს გამოძიება, ჩვენ ყველა პარტნიორს ვთხოვთ რომ გაითვალისწინოს ეს სია და ვიმედოვნებ, რომ 2019 წელი იქნება ძალიან მნიშვნელოვანი ამ თვალსაზრისით. ჩვენ ყველა პლატფორმას ვიყენებთ რომ ეს ინფორმაცია მივაწოდოთ საერთაშორისო საზოგადოებას. იქნება ეს გაერო, ევროკავშირი თუ ეუთო“, - აღნიშნა მამუკა ბახტაძემ.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს