ისრაელის მოქალაქე ლგბტ წყვილები ამერიკის შეერთებულ შტატებში ქორწინდებიან, ხოლო ბავშვებს საქართველოში აჩენენ, - ამის შესახებ Walla იუწყება.

მედია საშუალების ინფორმაციით, ისრაელში 2010 წლიდან ერთი და იმავე სქესის მქონე პირთა ქორწინებების რაოდენობა იზრდება. 2010 წელს საზღვარგარეთ ისრაელის 20-მა მოქალაქემ ქორწინება დააკანონა, ხოლო 2017 წელს მაჩვენებელმა 408 წყვილს მიაღწია.

მედიის ცნობით, ისრაელში ერთი და იმავე სქესის მქონე წყვილების ქორწინება დაკანონებული არ არის, თუმცა იმ შემთხვევაში თუ წყვილი ქორწინების მოწმობას წარადგენს, რომელიც მათ საზღვარგარეთ მიიღეს, შესაბამისი სამსახური ასეთ წყვილს არეგისტრირებს. ეს მნიშვნელოვანია, იმ შემთხვევაში, თუ მოქალაქეებს სხვადასხვა საკითხებთან დაკავშირებით სახელმწიფო უწყებებში მიმართვა დასჭირდებათ.

Walla წერს, რომ ერთი და იმავე სქესის მქონე წყვილების ქორწინებას ადრე ყველაზე ხშირად აშშ-ში, ჩეხეთსა და ესპანეთში არეგისტრირებდნენ, ხოლო 2017 წელს აშშ-ში (797 წყვილი), დანიაში (314 წყვილი), პორტუგალიაში (56) და საფრანგეთში (52).

გარდა ამისა, ისრაელში კანონი ლგბტ ოჯახებს სურაგაციის საშუალებით შვილების გაჩენის უფლებას არ აძლევს. აქედან გამომდინარე, წყვილებს სურაგატი დედის პოვნა საზღვარგარეთ უწევთ. ამისათვის, ისინი ისრაელის სპეციალურ დაწესებულებებს შემოწმებისთვის მიმართავენ. 2007 წელს ასეთი მხოლოდ 5 მოთხოვნა დაფიქსირდა, 2015-ში - 292, ხოლო 2017 წელს - 283.

ყველაზე ხშირად ისრაელის მოქალაქეები საქართველოში მყოფ სურაგატ დედებს მიმართავენ. 2011 წლიდან 2018 წლამდე საქართველოში სუროგაციის 519 ფაქტი დაფიქსირდა. მეორე ადგილს ამერიკა იკავებს, სადაც 318 ფაქტია დაფიქსირებული, მესამე ინდოეთია - 286, უკრაინა - 76.

ავტორი: ,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა