იურიდიულ საკითხთა კომიტეტის სხდომაზე კომიტეტის სხდომაზე კომიტეტის თავჯდომარე, ანრი ოხანაშვილსა და უმრაველსობის წევრ, ლევან გოგიჩაიშვილს შორის სიტყვიერი შელაპარაკება მოხდა.

როგორ გოგიჩაიშვილმა განაცხადა, მისი გვარი ამოღებულია ორი კანონპროექტიდან, სადაც ის გეგმის თავდაპირველი ვარიანტით პასუხისმგებელ პირთა შორის იყო.

„ვერ დაგელოდებით ბატონო ანრი, ძალიან მეჩქარება და იმიტომ კითხვა მაქვს და უნდა დავსვა.

ახლიდან დაიწყეთ სამოქმედო გეგმის ჩამოწერა თუ რა არის? თქვენ ინფორმაცია გქონდათ, რომ მე გამოვხატე სხვადასხვა ჯგუფებში ყოფნის სურვილი. დღევანდელი პროექტიდან, ყველგან ვარ ამოღებული. იქნებ გაითვალისწინოთ ძველი სამოქმედო გეგმაში როგორც იყო ჩამოწერილი, მოიკითხოთ აპარატში და აპარატმა თვითონ გადაგზავნოს, იმიტომ, რომ ყოველდღე ახალი წესრიგი, მე ვფიქრობ, რომ არ არის სერიოზული, ეს არის უწყვეტი საპარლამენტო მოწვევა. შესაბამისად, ახლა თავმჯდომარე წავა, მოვა, ის გადაწყვეტილება, რაც არის მიღებული, ის უნდა გაგრძლედეს.  თუ არადა მაშინ თავიდან უნდა ჩაატაროთ გინდა კენჭისყრა და გინდა სხვა პროცედურები. სადაც ვეწერე, ძალიან გთხოვთ ისევ იქ დამაბრუნეთ“, - მიმართა გოგიჩაიშვილმა ოხანაშვილს.

თავის მხრივ, ოხანაშვილმა გოგიჩაიშვილს განუმარტა, რომ სამოქმედო გეგმის კანონპროექტებზე ყველა დეპუტატი, როგორც კომიტეტის პასუხისმგებელი პირი, მათი სურვილის მიხედვით შეირჩა.

„წესებს ვიცავთ, სხდომა მიჰყავს თავმჯდომარეს, რა თქმა უნდა, მუდმივი არავინ არ არის ამ ქვეყანაზე და პოზიცია არ ნიშნავს იმას, რომ ვიღაცა ტკბება თავისი პოზიციიით, აქ ვართ კონსტრუქციულად ყველანი განწყობილი, იმისთვის რომ კოლეგიალურად ვიმუშავოთ. ამიტომ თუ გეჩქარებათ სადმე, გეთქვათ თავიდან და მოგცემდით სიტყვას. პატივი ვცეთ ერთმანეთს, დავიცვათ სტანდარტი, ეთიკის წესები და კოლეგიალურად ვიმოქმედოთ.

მეილზე გამოგეგზავნათ სულ ყველას შეთავაზება - „გთხოვთ წარმოგვიდგინოთ თქვენი ინტერესის სფერო“, ამას ვერავინ ვერ უარყოფს ლევან, მათ შორის შენც, თუ შენ გვეტყვი, რომ შენ გამოგვიგზავნე რომელიმე კონკრეტული საკითხი და ჩვენ არ ჩაგწერეთ, შენიშვნას მივიღებ, მაგრამ თუ ამას ვერ იტყვი და არ გამოგიგზავნია...

ხმას დაუწიე ლევან, მშვიდად. თუ არ გინდა რომ სხდომას დაესწრო და მშვიდად წარმოართო პროცესი, გთხოვ, რომ დატოვო სხდომა. თუ სადმე გსურთ დამატება, დაგამატებთ“, - აღნიშნა ანრი ოხანაშვილმა.

ეს ქვედა დინებები, ვიღაცას სადღაცას გადასვამთ, გადმოსვამთ, შეინახეთ თქვენთვის. ის კი არ არის აქ ბიუროკრატიული შეხვედრა, პოლიტიკური ორგანო არის. მოიქეცით სიე, როგორც უნდა იქცეოდნენ პარლამენტის წევრები

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს