რადიოს საერთაშორისო დღე ერთ-ერთი ყველაზე "ახალგაზრდა" დღესასწაულია, რომელიც პირველად 2012 წელს, იუნესკო-ს ინიციატივით აღნიშნეს.

თარიღი შემთხვევით არ აურჩევიათ - 1946 წლის 13 თებერვალი გაერო-ს რადიოს დებიუტის თარიღი იყო. ინტერნეტის აქტიური მოხმარების მიუხედავად, რადიო დღესაც არ კარგავს პოპულარობას.

აღსანიშნავია, რომ სწორედ ქართული რადიო იყო ევროპაში ერთ-ერთი პირველი.

რეგულარული  რადიოგადაცემები საქართველოში 1925 წლის 23 მაისს, ანუ ზუსტად 94 წლის წინ თბილისში დაიწყო. ინფორმაცია ნახევრად კუსტარული რადიოსატელეფონო სადგურით გადაიცემოდა, რომელიც აწყობილი იყო უცხოური რადიოსატელეგრაფო გადამცემის APS-78-ის ბაზაზე. ეს იყო ამიერკავკასიაში პირველი სამაუწყებლო გადამცემი, რომელიც დღეში 1-2 საათი მუშაობდა.

რადიოსადგურის პირველი დამმონტაჟებლები და თანამშრომლები იყვნენ: ს.თოფურია, დ.ხმიადაშვილი,  ი. ძაგნიძე, რ.ლიპარტელიანი, გ.ინჯია.

საქართველოში პირველი რადიოსტუდია მოეწყო რადიოგადამცემი სადგურის ტერიტორიაზე არსებულ შენობაში 12 კვ.მ.ფართობზე. რადიოგადაცემებში მონაწილეები ახალ ამბებს და სტატიებს უშუალოდ გაზეთებიდან კითხულობდნენ, რადიოპროგრამების მიღების შესახებ ტექნიკური სახის კონსულტაციებს ატარებდნენ. გადამცემი სადგურის მოქმედების ზონა 25-30 კმ.რადიუსი იყო.

ამჟამად, საქართველოს ტერიტორიაზე რადიომაუწყებლობას 40-ზე მეტი კომპანია ახორციელებს.  

ავტორი: ,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა