სტიქიის შედეგად დაზარალებული მოსახლეობის დასახმარებლად თავდაცვის უწყების თანამშრომლებმა მედიკამენტები, საკვები პროდუქტები და პირველადი მოხმარების ნივთები შეაგროვეს.

თავდაცვის სამინისტროს ინფორმაციით, დღის განმავლობაში, შეიარაღებული ძალების სხვადასხვა ქვედანაყოფის სამხედრო მოსამსახურეებს, ასევე, სამოქალაქო ოფისისა და გენერალური შტაბის თანამშრომლებს თავდაცვის სამინისტროს სამოქალაქო მისაღებში სხვადასხვა სახის პროდუქტი მოჰქონდათ. ნივთებს შორის, სათამაშოები, ბავშვების ჰიგიენური ნივთები და საბავშვო ეტლიც იყო. შეგროვილი პროდუქტებისა და ნივთების ტრანსპორტირებასა და განაწილებას ვაკე-საბურთალოს რაიონის გამგეობა უზრუნველყოფს. სტიქიით გამოწვეული ზარალის სალიკვიდაციო სამუშაოებში თავდაცვის უწყება პირველივე წუთებიდან ჩაერთო. თავდაცვის უწყების ქვედანაყოფები სამუშაოებს სხვადასხვა ადგილას ასრულებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკი მსოფლიოში საუკეთესო ფინანსური ინოვაციების ლაბია - Global Finance

საქართველოს ბანკი, Superteam Georgia-თან პარტნიორობით, Solana-ს ყველაზე დიდი ჰაკათონის მხარდამჭერია

მამუკა მდინარაძე სამართალდამცავი ორგანოების კოორდინაციის საკითხებში სახელმწიფო მინისტრად დაინიშნა

ოცნების ხელისუფლებასთან დაახლოებულ ვისოლს უნდა რომ წვრილმანი კომპანიები მოახრჩოს