გარემოს დაცვისა და სოფლის მეურნეობის სამინისტროს ინიციატივითა და მხარდაჭერით, ევროკავშირის პროექტის „ტექნიკური დახმარება საქართველოში ნარჩენების მართვის გაუმჯობესების მიზნით, ცნობიერებისა და კომუნიკაციის დონის და ამ დარგში ევროკავშირის მხარდაჭერის ცნობადობის ასამაღლებლად“ ფარგლებში, მედიის წარმომადგენლებისთვის საინფორმაციო შეხვედრა გაიმართა.

სამუშაო შეხვედრის მიზანს მედიის წარმომადგენლებისთვის საქართველოში ნარჩენების მართვის სფეროში დაგეგმილი და განხორციელებული აქტივობების გაცნობის ასევე,  ადგილობრივი და საერთაშორისო ექსპერტების მიერ საუკეთესო პრაქტიკის გაზიარების საფუძველზე, ცნობიერების ამაღლება წარმოადგენდა.

შეხვედრაზე ყურადღება გამახვილდა ასოცირების ხელშეკრულებით გათვალისწინებული გარემოსდაცვითი ვალდებულებების მიმოხილვასა და შესრულების სტატუსზე.  საუბარი შეეხო მწარმოებლის გაფართოებული ვალდებულების პრინციპს, რომელიც  ძალაში  2019 წლის დეკემბრიდან შევა.

შეხვედრაზე ასევე განიხილეს ნარჩენების მართვის  საერთაშორისო პრაქტიკა, თანამედროვე მიდგომები, საუკეთესო გამოცდილება და საქართველოში არსებული გამოწვევები.

სამუშაო შეხვედრას ცენტრალური და რეგიონული მედიის 50-ზე მეტი წარმომადგენელი ესწრებოდა.

(NS)

ავტორი: ,

სოციალური ქსელები

ეჩმიაძინში სრულიად სომეხთა კათოლიკოს გარეგინ II-ის სასამართლო პროცესი მიმდინარეობს

ქუთაისში „ავტო გალერის“ ახალი მულტიბრენდული სივრცე გაიხსნა

თურქეთი, საუდის არაბეთი და პაკისტანი „აგრესორების“ წინააღმდეგ ერთად იბრძოლებენ: შეთანხმებას ხელი მოეწერა

აშშ-ის დაზვერვა ვარაუდობს, რომ პუტინს შეუძლია უკრაინაში ომის პარალელურად ნატოს წევრ ქვეყანაზე თავდასხმა