იტალიის დედაქალაქ რომში, გაეროს სურსათისა და სოფლის მეურნეობის ორგანიზაციის (FAO) სათაო ოფისში ნიადაგის ლაბორატორიების მსოფლიო ქსელის -  Global Soil Laboratory Network (GLOSOLAN) სამუშაო შეხვედრაგაიმართა, სადაც მონაწილეობა სოფლის მეურნეობის სამეცნიერო-კვლევითი ცენტრის პროფესორ ივანე სარიშვილის სახელობის ნიადაგის კვლევის ლაბორატორიის თანამშრომლებმა მიიღეს.

შეხვედრის ფარგლებში შემუშავდა GLOSOLAN-ის სამოქმედო გეგმა, რომელიც საერთაშორისოდ აღიარებული კვლევის მეთოდების დანერგვას გულისხმობს. ნიადაგის ლაბორატორიების მსოფლიო ქსელის წევრ ლაბორატორიებსმონაცემების გაცვლის და მიღებული შედეგების ჰარმონიზაციის საშუალება ექნებათ. GLOSOLAN-ის ფარგლებში,ლაბორატორიათაშორისი ხარისხის კონტროლის სისტემა შეიქმნა, რომელიც ჩატარებული ლაბორატორიული კვლევის სიზუსტის და მიღებული შედეგების სარწმუნოობის ზრდისკენ იქნება მიმართული. 

GLOSOLAN-ის წევრ ლაბორატორიებს საშუალება ექნებათ სხვადსხვა ტრენინგსა და სემინარში მიიღონ მონაწილეობა, რაც ლაბორატორიებში დასაქმებული პერსონალის კვალიფიკაციის ამაღლებას და კვლევისუახლესი  მეთოდების დანერგვას შეუწყობს ხელს. 

ნიადაგის ლაბორატორიების მსოფლიო ქსელი 2017 წელს FAO-ს ინიციატივით შეიქმნა და მასში პროფ. ივანე სარიშვილის სახელობის ნიადაგის კვლევის ლაბორატორიასთან ერთად 100-ზე მეტი ლაბორატორიაა გაწევრიანებული.

(NS)

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს