საპატრულო პოლიციის 82-მა თანამშრომელმა ზამთრის კურორტებზე პატრულირებისთვის სპეციალური ტრენინგი გაიარა, - ამის შესახებ საქართველოს პრემიერ-მინისტრმა მამუკა ბაზტაძემ გუდაურში, ზამთრის სეზონის გახსნაზე განაცხადა. 

როგორც პრემიერმა აღნიშნა, ყველგან, ზამთრის კურორტებზე - გუდაურში, ბაკურიანში, ზემო აჭარაში და სვანეთშიც პატრულის შესაბამისად ეკიპირებული შემადგენლობები მუშაობენ. მამუკა ბახტაძემ მათ მადლობა გადაუხადა.

"წელს ჩვენ აღვნიშნავთ კურორტ გუდაურის 30 წლის  იუბილეს და ჩვენი ამოცანაა, რომ როგორც 30 წლის წინ, ამ კურორტის განვითარების დასაწყისში მთავარი გზავნილი იყო, რომ საქართველოს ზამთრის კურორტები საუკეთესო ყოფილიყო მსოფლიოში, ღირსეულად უნდა გავაგრძელოთ ამ გზავნილის რეალურ ცხოვრებაში განხორციელება. დარწმუნებული ვარ, მსგავსი ინფრასტრუქტურული  პროექტების მეშვეობით საქართველო მართლაც დაიმკვიდრებს ადგილს მსოფლიო  რუკაზე, როგორც ყველაზე წარმატებული ზამთრის კურორტების ქვეყანა", - აღნიშნა მამუკა ბახტაძემ. 

პრემიერ-მინისტრმა განსაკუთრებული მადლობა გადაუხადა გუდაურში პროექტების განხორციელებაში ჩართულ ადამიანებს, ასევე "დოპელმაიერს" და სხვა კომპანიებს, რომლეებმაც უმოკლეს ვადებში შეძლეს მნიშვნელოვანი პროექტების რეალიზაცია, დამსვენებლებს კი ახალი სეზონის გახსნა მიულოცა. 

ზამთრის სეზონის გახსნის ცერემონიაში მთავრობის მეთაურთან ერთად ეკონომიკისა და მდგრადი განვითარების მინისტრი გიორგი ქობულია, მთის კურორტების განვითარების კომპანიის ხელმძღვანელი და კომპანია "დოპელმაიერის" წარმომადგენლები მონაწილეობდნენ. 

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს