მმართველი პარტია „ქართული ოცნება- დემოკრატიული საქართველოს“ ლიდერი ბიძინა ივანიშვილი სამი ტელეკომპანიის ჟურნალისტის კითხვებს პასუხობს.

საუბარი ქვეყანაში საზოგადოების უსაფრთხოების მიმართულებით არსებულ მდგომარეობას და საერთაშორისო კვლევების შედეგებს შეეხო. 

„17 ოქტომბერს უკვე სხვა ინსტიტუტმა მსოფლიოს ეკონომიკურმა ფორუმმა - გლობალური კონკურენტუნარიანობის რეიტინგი გამოაქვეყნა. ამ კვლევაში საქართველო საზოგადოების დაცულობის მაჩვენებლით ევროპაში ოცეულში მე-15 ადგილზე გავიდა. ორგანიზებული დანაშაულისგან თავისუფლების ინდექსის მიხედვით საქართველო ევროპის საუკეთესო ოცეულში მე-13 პოზიციაზე მოხვდა. მაშინ, როდესაც „ნაციონალური მოძრაობის“ დროს 2012 წელს მსოფლიოში 70 ყველაზე მაფიოზურ სახელმწიფოთა შორის იყო საქართველო. აღსანიშნავია, რომ ამავე კვლევაში მკვლელობების ნაკლებობის ინდექსით საქართველო ევროპის საუკეთესო ოცეულში მოვხვდით და მე-17 ადგილი დავიკავეთ. პოლიციის საიმედოობის რეიტინგში ევროპის საუკეთესო ოცეულში მე-19 ადგილი დავიკავეთ. ხო გახსოვთ პოლიცია როგორ დევნიდნენ და როგორ ხოცავდნენ საკუთარ მოქალაქეებს.
დღევანდელი პოლიცია, ნახეთ, გაიხსენეთ ბოლო მიტინგები, როგორ კულტურულად იქცევა, როგორ იტანენ შეურაცხყოფებს და როგორი დასაფასებელი უნდა იყოს ეს საზოგადოებისათვის,“ - განაცხადა ბიძინა ივანიშვილმა. 

ბიძინა ივანიშვილმა ასევე ისაუბრა ქვეყანაში კორუფციის შესახებ საერთაშორისო ორგანიზაციების კვლევების შესახებ. 

„მსოფლიო მმართველობის ინდიკატორი, რომელსაც ივანიშვილი ვერ ჩააწყობდა და მსოფლიო ბანკმა გამოაქვეყნა წერია, რომ საქართველო ასოციაციის წევრ 190 ქვეყანას შორის საქართველო კორუფციის წინააღმდეგ ბრძოლის კუთხით საქართველო ევროპის საუკეთესო ოცეულს შორის მე-19 ადგილზეა. საქართველო უსწრებს ევროკავშირის წევრ 13 სახელმწიფოს. ცალკე მოგახსენებთ კანონის უზენაესობის შესახებ კვლევის შედეგებს.“

ავტორი: ,

სოციალური ქსელები

ახალი პოლიტიკური პარტია ჯერ საქართველო დაფუძნდა

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ