ქართველმა პატრულ-ინსპექტორებმა აშშ-ში ექსტრემალურ სიტუაციებში ავტომანქანის მართვის კურსი გაიარეს

2018-10-01 10:40:54, 1127 ნახვა

საზოგადოება

საპატრულო პოლიციის დეპარტამენტის და შინაგან საქმეთა სამინისტროს აკადემიის წარმომადგენლებს ამერიკის შეერთებულ შტატებში, ჯორჯიის უსაფრთხოების სასწავლო ცენტრში ექსტრემალურ სიტუაციებში ავტომანქანის მართვის ტრენერთა ტრენინგი ჩაუტარდათ.

შსს-ს ინფორმაციით, სწავლება აშშ-ს სახელმწიფო ანტინარკოტიკული და სამართალდამცავ ორგანოებთან ურთიერთობების საერთაშორისო ბიუროს (INL) ორგანიზებით განხორციელდა.

კურსი პრაქტიკულ და თეორიულ მეცადინეობებს მოიცავდა. სწავლების მიზანი იყო სამართალდამცველებისთვის უსაფრთხო და ექსტრემალურ სიტუაციებში ავტომობილის მართვის და ტრენერული უნარ-ჩვევების გაძლიერება.

ტრენინგის დახურვას შინაგან საქმეთა სამინისტროს საპატრულო პოლიციის დეპარტამენტის დირექტორი, თეიმურაზ კუპატაძე დაესწრო.

ვიზიტის ფარგლებში, თეიმურაზ კუპატაძემ შეხვედრები გამართა ჯორჯიის შტატის გუბერნატორთან, ქალაქ კოლუმბუსის სამართალდამცავი უწყების წარმომადგენლებთან და სასწავლო ცენტრის ხელმძღვანელებთან.

შინაგან საქმეთა სამინისტროს თანამშრომლებისთვის მსგავსი ტრენინგების ჩატარება მომავალშიც იგეგმება.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები